Yine yüreklerimizi yakan ve kanımızı donduran bir terör haberiyle üzüntülere gark olduk. Milletçe yaşadığımız ve böyle gidersede yaşamaya devam edeceğimiz TERÖR BELASININ başlıca sebeplerinden birincisi ve en önemlisi İSTİHBARAT ZAAFİYETİ olarak öne çıkmıştır.
Eğer siz; teröre muhatap olacak hatta binlerce defada olan bir ülke olarak, terör örgütleri tarafından, size yapıla bilecek eylemler ile ilgili, daha düşünce safhasında, olmadı ön etüt ve planlama aşamasında iken bilgi sahibi olamıyorsanız biliniz ki, ülke ve millet olarak İSTİHBARAT ZAAFİYETİ içerisindesiniz…. Ardını oxu »
Asif Ata. Özüylədöyüş və Özüyləbarışma
Həyatda insan özüylə döyüşür, ancaq bu döyüşdə tam qələbə qazanmır, son nəticədə özüylə barışır. Özüyləbarışmada o, gerçəkliyin məntiqinə əsaslanır. “Yırtıcı olmasam, yaşaya bilmərəm, məni parçalayarlar” – deyir. “Xudbin olmasam, yaşaya bilmərəm, başqasının əsarətinə düşərəm” – deyir. “Şəhvəti sevməsəm, yaşamaram, çünki həyat – cismani nəşələnməkdir” – deyir. “Şöhrəti sevməsəm, yaşamaram, çünki həyat özünütəsdiqdir” – deyir. “Yalana […]
Başsağlığı
Asif Atanın Mütləqə İnam Ocağı Ocaqdostu, Güney Azərbaycan aydını Ağşın Ağkəmərlinin ölümü ilə bağlı ailəsinə, millətimizə başsağlığı verir. Evindən işıq əskilməsin. Balalarında yaşasın. Yurdu, Ulusu var olsun.
Asif Ata. Dostluq – Düşmənlik
Həyatda ən yüksək dostluq belə, mütləq səviyyəyə qalxmır. Bu səbəbdən də həyatdakı ən böyük dostluqda belə düşmənlik yaşayır. Əgər insan xudbinlik eybəcərliyindən tam xilas olmayıbsa – onun dostluğu düşmənlikdən azad deyil. Əgər insan həsəd eybəcərliyindən tam xilas olmayıbsa – onun dostluğu düşmənlikdən azad deyil. Əgər insan mənfəətpərəstlik eybəcərliyindən tam xilas olmayıbsa – onun dostluğu düşmənlikdən […]
Ağşın Ağkəmərli. Yolçu yolda gərək
1965-ci ildə 5 yaşında kənddə məktəbə getmişəm. Bütün dərslər fasca olduğuna görə heç nə başa düşmürdüm. Təkcə mən yox, heç kim heç nə başa düşmürdü. Ancaq məni başqalarından fərqləndirən bir şey vardı, – şeiri bir dəfə eşitməklə öyrənirdim, daha doğrusu, sözlərini əzbərləyirdim. Atam hər ilin qış aylarında kəndə gəlirdi. 1-2 ay qalandan sonra evə gərək […]
Soylu Atalı. Türkün qədim ABEsi (Tamğası)
90-cı illərdə Asif Atadan eşitdiyimiz başlıca qonulardan biri millətimizin öz abesinin, (əlifbasının) olması ilə bağlı idi. Ancaq abenin yaranması hər addımda baş tuta bilən asan bir məsələ deyil. Bu üzdən axtarışlar bizi Orxon-Yenisey yazılarının üzərinə aparıb çıxardı. Bəllidir ki, ərəblərin türkləri mənəvi-ruhani işğal eləməsinə qədər türklər arasında bu abe qullanılmışdır. İşğaldan sonra qədim türk abesi […]
Şerif YILMAZ . BU DURUM DEVAM ETTİKÇE DE TERÖRE GALİP GELEMEYECEĞİZ…
Dekabr 14th, 2016 
admin 
İlqar Türkoğlu. Saxlayır
Dekabr 13th, 2016 admin İnsanlığa işıq saçan Ulusdum,
Xəta oldu, bir ehkamla buluşdum…
Ürəyində Günəş olsun, a dostum!
Tanrı haqqı-məni-məndə saxlayır.
Əzəlidir, Əbədidir, Var Dünya,
Mütləqimə, İnamıma var, Dünya!
Qaranlığa daralsa da dar Dünya
Tanrı Türkü Göylə təndə saxlayır.
Soylu Atalı. İnamın bilinmə mərhələləri (II yazı)
Dekabr 9th, 2016 admin II. Xalqın biganəlikdən sonra düşünmək imkanı da aşkarlanır
İnam ilk işini yaradıcısının özündə başlayır. Və təbii ki, İnam bir gündə yaranmır, illərin axtarışıyla cilalanır, inkişaf edir və oturuşur. Bu gedişatın əsas hərəkətverici səbəbi maneələri ötə bilmək, onun təsirində ilişib qalmamaq və azalmamaqdır. Bu baxımdan İnamın qurulması, inkişafı həm də fərdi keyfiyyətlərin inkişafını tələb edir. Ümumən nəinki inkişafını, yeni fərdi keyfiyyətlərin aşkarlanmasını, yaranmasını zəruri edir. Lakin İnamın elan olunması, yaradıcısının İnam tələbi yönündə daxilən artması özünün gerçəkləşmə imkanları ilə müqayisədə qat-qat güclü olan təpkilərlə qarşılaşır. Ardını oxu »
Soylu Atalı. İnamın bilinmə mərhələləri (I yazı)
Dekabr 1st, 2016 admin I. İnamın yaranma zərurəti
Ərəblərin məlum işğalçılığı – İslam bayrağı altında qətllər, qarətlər, Babəkin amansız edamı; Azərbaycanın ikiyə bölünməsi, zaman-zaman Rus, İran Azərbaycanı kimi qoltuqlanması; azadlığın, müstəqilliyin tədricən xalqın əsas kütləsinin şüurundan silinməsi və müstəmləkə aqibətinə öyrəşdirilməsi; Tarixin ayrı-ayrı dönəmlərində (istər siyasi, istər mədəni-ideoloji yöndə) irəli duran ziyalıların, yaradıcı insanların qısa zamanda geri oturdulması, xalqın düşüncələrə, maariflənməyə yönəldilməsinin qarşısının alınması, – bu sıradan bolşeviklərin müstəqilliyimizə divan tutması, vətənimizin müəyyən hissəsini Ermənistanlaşdırması; milli şüurun məhv edilməsinin 37-ci il zirvəsi; kütlənin ağlında irəli duranlarımızın xain, dönük, satqın kimi epitetlərlə ləkələndirilməsi; ulusumuzun adının pozularaq mücərrəd millət (azərbaycanlı) anlayışının ona təlqin olunması (təsadüfi deyil ki, demokartiya oyunları başlayanda ayrı-ayrı yurdsevərlərin, ziyalıların türk adımızı gündəliyə gətirməsi xalqın içində istehza ilə, ikrah hissi ilə qarşılanırdı. Ardını oxu »
Soylu Atalı. Türklük tərəqqinin ölçüsüdür
Noyabr 9th, 2016 admin Ötən yüzilin 90-illərində geniş yayılmış bir şüar var idi: – XXI yüzil türk yüzili olacaq. Bu söz ictimai həyatda yeriməkdən daha çox dəbləşməyə uğradı (dəbləşən nə varsa köhnəlib aradan gedir). Bunun da səbəbi bəllidir. Mixail Qorbaçovun Sovetlər Birliyində hakimiyyətə gəlişindən sonra Batı siyasətinin bu Birliyi da ğıtmaq planları öz işini görməyə başlamışdı. Hər kəs hesab edirdi ki, Sovetlər Birliyi dağılandan sonra onun əsarətində olan türk respublikaları bağımsızlıq əldə edəcək, bununla da Türk Birliyi qaçılmaz olaraq inkişaf edəcək. Ancaq bu gün bu fikri aslandırmaq o qədər də asan deyil. Artıq XXI yüzilin türk yüzili olduğunu, ya da olacağını dilə gətirənlər də gözə dəymir. Çünki Sovetlər Birliyi türk toplumlarının bağımsızlıq uğrunda apardıqları mübarizə sonucunda dağılmadı. Ardını oxu »
Xaliq Bahadır. İçində olduğumuz dünya savaşı
Noyabr 6th, 2016 admin Rusiya prezidenti Putin haçaqsa demişdi: “Müsəlman dövlətlərinin başında duranların hamısı əlaltı adamlardır”. Bunu biz bugünlər bütün çılpaqlığı ilə görürük. Baxın, İraqda, Suriyada illərdir qırğın gedir, bütün müsəlman dövlət başçıları susur. Niyə susurlar? Əlaltı olduqlarına görə! Onlar allahını, peyğımbərini, imamını, bir sözlə, dinini-imanını, eləcə də xalqını satmaqla hakimiyətə gələnlər, sata-sata hakimiyətdə qalanlardır. Onların dinə bağlılıq göstərmələri yalnız xalqı aldadıb dinə yönəltməklə hakimiyətdə daha çox qalmaq üçündür. Din isə bütün dünyada Şər rejimlərinin, despotik dövlət başçılarının qulluqçusu rolunda çıxış edir: yaranışından indiyədək! Ardını oxu »
Xaliq Bahadır. Sərdar Cəlaloğlunun bilmədikləri – İsavat yalanı
Oktyabr 29th, 2016 admin İsavatçılar Feysbuk səhifəmə S.Cəlaloğlunun “YeM” qəzetində yayınlanmış çıxışını yerləşdiriblər. Özü də yekə şriftlərlə. Görünür, onlar yazını asanlıqla oxumağım, nələrisə gözdən qaçırmamağım üçün yekə şriftlərdən yararlanıblar. Olsun. Yazını oxudum, gözümdən qaçırdığım nəsə yoxdur. Yazının üzərində geniş dayanmaq olardı, ancaq indilikdə yazıdakı bir yalanın üzərində ayrıca dayanmaq istəyirəm. Bu da o yalanın (yalan bilginin) ayrıca toplumsal xarakter daşıması üzündəndir.
S.Cəlaloğlu 2003-cü il prezident seçkisindən danışır, AXCP-AMİP koalisiyasını İsa Qəmbərin prezidentliyə gedən yolunu kəsməkdə, İ.Qəmbərin prezident olmasına, hakimiyət dəyişikliyinə, müxalifətin hakimiyətə gəlməyinə yol verməməkdə suçlayır. Başlıcası da o, İ.Qəmbərin prezidentiliyinin baş tutmamasında E.Məmmədovu suçlu sayır. Ardını oxu »
İsa Mehdioğlu. QURANDAKI ZÜLQƏRNEYN TÜRKÜN OĞUZ XANIDIR!
Oktyabr 18th, 2016 admin Dəyərli oxucular, tarixin qarlı-boranlı səhnəsində Azərbaycan türkləri bir çox haqsızlıqlarla üzləşmişlər. Onlardan biri də dilmizə qarşı edilən haqsızlıqlardır. Yeni yaradılmış gənc Azərbaycan Xalq Cümhuriyyətinə 1920-ci ildə Rus imperiyasının basqısından (işğalından) sonra, Azərbaycan Cümhuriyyəti Rus imperiyasının birləşiminə (tərkibinə) qatıldı. Qafqaz türklərilə, Anadolu türklərinin birliyini pozmaq, gələcəkdə ayrı millət etmək istəyi ilə 1923-cü ildə Lenin Qafqaz türklərinin dillərində dəyşiriklərin aparılması haqqında göstəriş vermişdir. Azərbaycan türklərinin dilində geniş işlənən azərbaycan sözləri, ərəb-fars sözlərilə dəyşdirildi. Sonralar bu siyasəti Stalin yaşatdı. Dilçilərimiz dilimizi ərəb, fars sözlərilə elə doldurdular ki, tamam yeni azərbaycan dili yarandı. Beləliklə də, ədəbiyyata gələn ərəb-fars (xüsusilə fars) sözləri danışıq dilimizdə olan doğma sözlərimizi dilmizdən çıxardaraq yavaş-yavaş el danışığmızdan da çıxardıb unutdurdu. Yerinə ərəb-fars sözləri işləndi. Bu gələnək bu gün də sürdürülür. Bu gerçəkdir, həmin oyunun canlı tanıkıyam (şahidiyəm). Ardını oxu »
Xaliq Bahadır. Tarixinə yiyə durmayan xalq – gələcəksiz xalq
Oktyabr 18th, 2016 admin Biz bu gün çox böyük doğal resurslarla yanaşı, dünyanın ən yoxsul, bu üzdən də ən düşkün xalqlarından biri yerindəyik. Bütün alanlar üzrə geriləmə, uzaqbaşı, dayanıqlı durğunluq içindəyik. Sözsüz, qnunauyğun görsənişdir: özü üçün ağalıq (hökumət) qurmayan xalq belə olur. İndiki çoxillik Əliyevlər ağalığı düşmən güclərin qurduğu, illərlə arxa durduğu ağalıqdır. Bu üzdən də biz öz dövlətimizdə özgə dövlətdə yaşayanlar kimiyik: bütün qanunları-qurallarıyla dövlət bizə – dövləti oluşdurma faktoruna qarşıdır. Bircə təhsil, sağlamlıq sistemlərinə baxmaq yetər: bu sistemlər siyasi sistemdən gələn qanunauyğunluqla antixalq xarakteri daşıyır. Biri xalqın yetişməsi-yetkinliyi üçün gərəklidir, o biri sağlamlığı üçün. Bizdə bunlarn hər ikisi indilikdə pozucu xarakterdədir. Bu isə bütövlükdə pozucu dövlət faktorudur. Başqa cür ola da bilməz: korrupsiya-yolsuzluq DÖVLƏT Siyasətinə dönüşdürülürsə, burada yalnız pozucu dövlət görsənişlərindən danışmaq olar. Ardını oxu »
Ocağın gənclərlə yeni görüşü
Oktyabr 10th, 2016 admin Ürəyinizdə Günəş olsun, sayğılı yurddaşlarımız!
İzlənilən odur ki, toplumumuzda ulusal dəyərlərə qarşı biganəlik getdikcə artır. “Dəyərlərə yenidən baxılması” kimi gərəksiz bir ideya pis anlamda öz işini görməkdədir…
Qıraqdan yurdumuza gələn bu cür ideyalar hər zaman tapmaca xarakter daşıyıbdır. Baxın, əgər deyilsə ki, “dəyərlərə yenidən baxılması” zərərli ideyadır, o an içimizdə bu ideyanı savunanlar tapılacaq. Deyəcəklər bu ideya dəyərlərdən əl çəkmək anlamına gəlmir, dəyərlərdə köhnəlikdən əl çəkmək gərəkdiyini bildirir. Biz isə bildiririk, məsələ heç də belə deyil. Bu ideyaya üz tutanlar elə dəyərlərimizdən əl çəkirlər. Çünkü dəyərlərdən əl çəkmək dəyərləri yaşatmaq qədər gərgin ömür tələb etmir. Adamlar həmişə asanlığa qaçırlar. Ardını oxu »
