Sayğılı oxucu, son günlerde Azerbaycan Respublikasının prezidenti, Naxçıvanlılar demiş, deputat gayrılanlar, oxumamış, oxudulmamış jurnalistcikcikler, Samir Orucov adlı çocug-mocuglar “müxalifet” adı altında Ele-Ulusa aşağılamalar yağdırırlar.
Bu politikanlıg Azerbaycan Respublikasının gurulması yolunda gurban getmiş oğullara, onların ata-anasına, aydınlara, 10 milyon yurddaşa garşı yürüdülen, kesinlikle ortadan galdırılmalı yanlış politikadır!!!
Azerbaycan Respublikasını Anayasada yazıldığı kimi: “Azerbaycan Xalgı” gurubdur! Azerbaycan Xalgından, Türk Ulusundan başga kimse bu ada, bu hüguga iddia edemez, onu menimseyemez!!! Ardını oxu »
Asif Ata. İnam – Şübhə
İnam həyatda əbədi, sonsuz, kamil mahiyyət görür. Şübhə həyatda yalnız keçici, ölümlü, qeyri-kamil əlamət görür. İnam deyir ki, bütün nöqsanlarıyla yanaşı, həyat təsdiqə layiqdir, çünki o, özündən, görünəndən, təzahür edəndən artıqdır, böyükdür, yüksəkdir, onun keçiciliyinin arxasında sonsuzluq, qeyri-kamilliyinin arxasında kamillik dayanır. Şübhə deyir ki, həyatda əbədi, sonsuz, kamil heç nə yoxdur, bu səbəbdən də o, […]
Soylu Atalı. Borçalının taleyini düşünəkmi!?
Uzun aralıqdan sonra bu günlərdə Borçalıya səfərim oldu. 2019-cu ildə başladılan pandemiyadan üzü bu günədək Azərbaycan dövləti quru yolları bağlı tuturdu. May ayından Azərbaycanla Gürcüstan arasında dəmir yolunun işə salınmasına baxmayaraq, yolların yenə də bağlı olmasını deməyə ciddi səbəblər var. Ya bilet tapmaq olumsuzdur, ya da biletlər şişirdilmiş qiymətlərlə satışa buraxılır. Hərçəndi onu da əldə […]
Asif Ata. Müqəddəslik – Hərcayilik
Müqəddəslik – hadisələrin, keyfiyyətlərin, xassələrin əbədi, sonsuz, kamil, mütləq mənasını təsdiq edir. Hərcayilik – hadisələrin, keyfiyyətlərin, xassələrin ölümlü, keçici, qeyri-kamil, nisbi mövcudluğunu təsdiq edir. Bu cəhətdən, müqəddəsliklə hərcayilik bir-biriylə yanaşı yaşayır və vuruşur. Həyat onların heç birinə tam qələbə gətirmir, hər ikisini yaşadır. O, insanın qəlbində yaşayan iki duyğunun – həyatın həyatdan böyük mənasını qiymətləndirmə meylinin və […]
Ədalət, İnsanlaşma qonusunda söhbət
(Soylu Atalı yazılarını amaldaşlarına oxuyur, ortaya sorular çıxdıqca cavablandırır) Müdriklərin düşüncəsi belədir: maddi üstünlüyünə fərəhlənmə ki, onu itirəndə kədərlənməyəsən. Bu, insanın dünyaya münasibətinə yönəlik çağırışdır. Hər kəs maddi bir şey əldə edəndə sevinir. Bu qaçılmazdır, sevinməsi doğrudur. Ancaq insanların ömründə ruhani fərəh olmadığına görə, həyatdan maddi nə gəlirsə onun fərəhinin qaynağına çevrilir. Ona görə maddi […]
Asif Ata. Saflıq – Günah
İnsan özüylə barışanda, kifayətlənəndə günaha batır. Yırtıcılığıyla barışır – günaha batır! Zorakılığıyla barışır – günaha batır! Zəlilliyiylə barışır – günaha batır! Qəddarlığıyla barışır – günaha batır! Şöhrətpərəstliyiylə barışır – günaha batır! Süniliyiylə barışır – günaha batır! İnamsızlığıyla barışır – günaha batır! Nankorluğuyla barışır – günaha batır! Bədxahlığıyla barışır – günaha batır! Qorxuyla barışır – günaha […]
Yadigar Türkel. 28 MAY – AZƏRBAYCAN RESPUBLİKASININ ULUSAL BAYRAMI QUTLU OLSUN!
May 24th, 2020 
admin 
Soylu Atalı. Bizi arxiv xalqı kimi düşünənlərə dur deyək
May 23rd, 2020 admin Dərdi yazmaqla sağalmaz. Ancaq böyük dərd sözə də sığmır. Yazmaqla bitməz. Böyük dərd Vətənin dərdidir – Vətən dərdidir. Nə qədər ki, Vətənin sorunlarını aradan qaldırmaq uğrunda əsaslı mübarizə getmir, bu dərdi yazıya almaq, tanımayanlara da tanıtmaq istəyirsən. Dərdi tanıtmaq isə qeyrətin oyanışı üçün olmalıdır, arxayınlaşmaq üçün yox. Bizim dərdimiz bir deyil, çoxdur. Hansını daim gündəliyə gətirmək, hansını necə aradan qaldırmağın yollarını düşünmək olduqca çətinləşibdir. Çünkü bütün sorunlara hazırlıqsız yaxalanmışıq, çünkü heç birini çağında yoluna qoya bilməmişik. Zaman-zaman bir sorun beş olub, beşi on olub, üst-üstə qalanıb fəlakətlərə çevrilib. Millətimiz bu fəlakətlərin ağırlığı altında ümidini itirə-itirə yaşayıb. İndi də gələcəyinə bütöv bir ümidi yoxdur. Bu fəlakətlərin qarşısı alınmadıqca çoxdüşüncəlilik yaranıb. Ardını oxu »
Türk türklə birləşsəydi…
May 23rd, 2020 admin Hamımızın Ata adlandırdığımız bir Ata var. Şair, yazıçı, tənqidçi, filosof, Mütləq İnamlı Mütləq Ata! Zərdüşt nurundan, Babək qüdrətindən, Dədə Qorqud müdrikliyindən, Nəsimi Ənəlhəqliyindən, Füzuli eşqindən, Muğam ehtizazından, Saz ecazından doğulub-yoğrulub bütləşib-mütləqləşib!
Zəka, nur təfəkkürlü Atanı Midiya süqutu, Babək qətli, Çaldıran fəlakəti, Türkmənçay dağı, 28 aprel, 20 yanvar faciələri, insanlaşmama uçurumudur göynədən, Qəlbinin nuruna, idrakının qüdrətinə, istəyinin işığına hələlik 40–50 nəfər tapınıb-övladlaşıbdır. Asif Ata Ocağını sevənlər isə bugün-sabah hamımız olacağıq. Mütləqə İnamdan çatdığı bu Ocağın alovu şübhə yox ki, daim artacaq. Bu Ocaq Ruhani İntibah şöləsi saçır Azərbaycanın hər tərəfinə. Bu Ocağın alov dilləri Mütləqə İnam, Yalansız Cəmiyyət, Müstəqil Vətən, Özümlü Şərq, İnsanlaşıb – İnsanlaşdırmaq nuru, əqidə, mənəviyyatçı ziyası nəqşləyir beyinlərə. Onun qaladığı Ocaq Ruhani türkçülük toxumu cücərdir ürəklərdə. Ardını oxu »
Soylu Atalı. Özünəyadlaşmanın tarixi faciələri
May 19th, 2020 admin On illərdir, Azərbaycanın qədim məbədlərini, konkret kilsələrini istər ermənilər, istər gürcülər mənimsəməkdədir. Vətənsevər azərbaycanlılar da tarix uçqunlarının altından faktlar axtarıb bu məbədlərin bizim olduğunu sübut eləməyə çalışırlar. Ermənilər soydaşlarımızı tarixi dədə-baba torpaqlarından qovdular, özü də minbir içgəncələrlə. İndi də dünyaya bağırırlar ki, o yerlər əzəli erməni torpaqlarıdır. Yüz illərlə, bəzən də min il yaşı olan məbədlərimizi də öz adlarına çıxırlar. Gürcülər də eyni addımları atırlar. Qədim Alban kilsələrinin böyür-başına öz dillərində yazı yazıb ibadət evlərinə çevirirlər. Səsimizi də çıxaranda deyirlər, siz müsəlmansınız, kilsələrlə nə işiniz var, gedin məscidlərinizdə namazınızı qılın. Azərbaycanlıların isə dilləri girir boğazlarına. Ardını oxu »
Asif Ata.Türkçülük ideologiyasının meydana çıxma səbəbləri barədə bir neçə söz
May 18th, 2020 admin Azərbaycan milli ideologiyasının banisi, Şərqdə ilk demokratik respublikanın rəhbəri Məmməd Əmin Rəsulzadə türkçülük prinsipini müsavatın başlıca şərtlərindən biri hesab edirdi. Hələ o dövrdə böyük Türk Dünyası üçün pantürkizmin daşıyıcıları az olmamışdır. Türkçülük ideyası bütün zamanlarda məqbul bilinən milliliyi və milli birliyi bəşəri səviyyəyə qaldıran əsas amil kimi özünü göstərib. Bu ideologiyaya müxtəlif yöndən yanaşan, onun müxtəlif istiqamətlərdə (əlbəttə, mayasına toxunmadan) inkişafına təkan verən xadimlər, şəxsiyyətlər az olmayıb. Z.Göyalp, Ə.Hüseynzadə, M.Ə.Rəsulzadə… Və onlarca başqa nəhəng türkçü kişilərin türkçülüyün inkişafında spesifik xidmətləri olmuşdur. Onların arasında ASİF ATANIN özünəməxsus yeri var: heç kəsə bənzəməyən, təkrarçılıqdan uzaq. «Mütləqə İnam» fəlsəfəsinin yaradıcısı, müasirimiz – Böyük Azərbaycan filosofu ASİF ATA görümündə Türkçülük necə izhar olunur? Ardını oxu »
Soylu Atalı. Borçalının haqqını tanımaq gərəkdir
May 16th, 2020 admin İllər öncə bir yazı yazmışdım: “Borçalı Vətəndir, Vətənlə oynamaq olmaz”. Yazı 9 il öncə yazılsa da, bu gün də olduqca aktualdır. Çünkü heç bir problem həllini tapmır. Əslində bu problemlərin köklü həllinə heç çalışılmır da. Ona görə də köhnə problemlər yeni faciələr doğurur, hətta gələcək üçün çıxılmazlıqlar yaradır. Hər yerdə, hər zaman, istər toplantılarda, istərsə yazılarımda vurğu elədiyim bir məsələ var: mən siyasətçi deyiləm, bu millətin sadə bir düşüncə adamıyam, dövlət siyasətini də təmsil eləmirəm. Bu səbəbdən də açıq danışıram, doğruları söyləməyi gələcək soylara saxlamağı da yanlış sayıram. Fəlakətlə üz-üzə dayanıb onunla oyun oynamağı düşüncəsizlik kimi qiymətləndirirəm. Ardını oxu »
Ocaq kitabları çap olundu
May 15th, 2020 admin Ürəyinizdə Günəş olsun, sayğılı yurddaşlarımız!
Bu gün Asif Atanın “Görmək İnsaniliyi”, Soylu Atalının “Söz İşığı” kitabları çapdan çıxdılar. Kitablar “Elm və Təhsil” nəşriyyatında yığılmışdır. Hər ikisinin elektron variantı asifataocagi.com saytında yerləşdirilmişdir. Soylu Atalının kitabı “Soylu.A” bölümündə, Asif Atanın kitabı isə “kitablar” bölümündədir.
Burada Soylu Atalının Asif Atanın kitabına yazdığı “Ön Sözü” sunuruq. Ardını oxu »
Soylu Atalı. Millətçilik – Dirçəlişimiz, Dirənişimiz
May 11th, 2020 admin Əsil Millətçilik odur ki, başqa millətlərin əksikliyini istəmiyəsən. Doğruçu millətçilik humanizm anlayışının mənası ilə təndir. Başqa millətlərə qarşı yağı düşüncələr sərgiləmək, insanlığa uyğun olmayan çağırışlar eləmək, bunu da güya öz millətinin xeyiri üçün eləyirmiş kimi görüntü yaratmaq – şovinizmdir, faşizmdir, Millətçilik deyil. Yazımıza nədən belə bir qısa giriş verməklə başlayıram?! – Mən Millətçiyəm, Vətənimi, onun dəyərlərini düşünən, yayılmasına, yaşadılmasına çalışan biriyəm. Ancaq belə bir düşüncəm var ki, Rusiya içindən dağılmasa, onun güdümündə olan Türk toplumları bağımsızlıq əldə eləməsə, Azərbaycana uğurlu bir gələcək qurmaq soruna çevriləcək. Bu yanaşma şovinizmdirmi?! – Deyil! Nədən belə düşünürəm?! – Rusiya hər zaman zor yetirir, zorakılığı yaşadır. Ardını oxu »
YADİGAR TÜRKEL. RECEB ALBAYRAĞIN “TÜRKLERİN İRANI–YAXIN GELEGEK” BİTİYİNDE PANARYANİSTLERLE VELİKOROSLARA YANIT: YALANÇISINIZ, İRGÇİSİNİZ, HEÇSİNİZ
May 9th, 2020 admin Receb Albayrağın “Türklerin İranı – Yaxın Gelecek” (B., 2016) bitiyinde başda Azerbaycan Milli Elmler Akademiyasının seçilmemiş prezidenti Ramiz Mehdiyev, İsa Hebibbeyli… olmagla, Tarix, Edebiyat, Dilçilik, Folklor, Etnografiya, Elyazmalar, Corafiya, Felsefe, Hügug, Gafgazşünaslıg, Ekonomika, Memarlıg… institutlarının on illerle başgirleyen, seçilmemiş, bacarıgsız başçılarına keskin YANIT verilmişdir: heçsiniz!
SSRİ-de Rus çarizmin “Velikoros ideologiyası” yeridildiyinden, Güney Azerbaycan bir yana, Guzey Azerbaycanın da gerçek tarixi, etnografisile başlı demek olar, doğru heç ne bilmirdik. Sovetin örtülü “BOLŞEFAŞİZM” olduğunu anlamağa başlasag da, başçılarımızın çoxu Mirze Celilin “Danabaş kendi”nden “çıxarıldıgından” Güney Aaerbaycandakı soydaşlarımızın tarixini, kültürünü – yaşamını bilimsel öyrenecek bilimçiler yetişdirilmeyib, bu yönde demek olar, heç bir böyük Açı işi görülmediyinin acısını çekirik. Ardını oxu »
Soylu Atalı. Erməni dəyirmanında Azərbaycanın çıxarları üyüdülür
May 6th, 2020 admin “Siyasət” anlayışı – dövlətin, istər içəridən, istərsə də dışarıdan qorunması ilə, eləcə də dövlətin toplumu yönətimi ilə bağlı yozulan, qiymətləndirilən bir anlayışdır. Ancaq olduqca mürəkkəb, qarışıq-dolaşıq çalarlarla özünü göstərir. Bu anlayışın təsiri ilə formalaşan münasibətlər, sərgilənən düşüncələr, verilən vədlər yüzdə doxsan beş yalana dayanır, saxta olur. Bunu hamı bilir, ancaq hamı bununla barışır. “Elə-belə də olmalıdır, başqa cür mümkün deyil” kimi bir inam formalaşıb bu anlayışa yönəlik. Dinlərin uydurduğu “dünya fanidir, gec-tez qiyamət qopacaq, dünya dağılacaq” kimi anlamsız bir ehkamdır siyasətin uydurduğu ehkam. Siyasi güclər şüurda allahlaşdırılır, bütün dünyanın siyasi taleyini bu güclər bəlirləyir, bəlirləyə bilər. Başqa alternativ düşüncələr ortaya gəlmir, sözdə nələrsə deyilsə də, heç bir etkisi olmur. Ardını oxu »
