Asif Ata. İnam – Şübhə

İnam həyatda əbədi, sonsuz, kamil mahiyyət görür. Şübhə həyatda yalnız keçici, ölümlü, qeyri-kamil əlamət görür. İnam deyir ki, bütün nöqsanlarıyla yanaşı, həyat təsdiqə layiqdir, çünki o, özündən, görünəndən, təzahür edəndən artıq­dır, böyükdür, yüksəkdir, onun keçiciliyinin arxasında sonsuz­luq, qeyri-kamilliyinin arxasında kamillik dayanır. Şübhə deyir ki, həyatda əbədi, sonsuz, kamil heç nə yoxdur, bu səbəbdən də o, […]

Soylu Atalı. Borçalının taleyini düşünəkmi!?

Uzun aralıqdan sonra bu günlərdə Borçalıya səfərim oldu. 2019-cu ildə başladılan pandemiyadan üzü bu günədək Azərbaycan dövləti quru yolları bağlı tuturdu. May ayından Azərbaycanla Gürcüstan arasında dəmir yolunun işə salınmasına baxmayaraq, yolların yenə də bağlı olmasını deməyə ciddi səbəblər var. Ya bilet tapmaq olumsuzdur, ya da biletlər şişirdilmiş qiymətlərlə satışa buraxılır. Hərçəndi onu da əldə […]

Asif Ata. Müqəddəslik – Hərcayilik

Müqəddəslik – hadisələrin, keyfiyyətlərin, xassələrin əbədi, sonsuz, kamil, mütləq mənasını təsdiq edir. Hərcayilik – hadisələrin, keyfiyyətlərin, xassələrin ölümlü, keçici, qeyri-kamil, nisbi mövcudluğunu təsdiq edir. Bu cəhətdən, müqəddəsliklə hərcayilik bir-biriylə yanaşı yaşayır və vuruşur. Həyat onların heç birinə tam qələbə gətirmir, hər ikisini yaşadır. O, insanın qəlbində yaşayan iki duyğunun – həyatın həyat­dan böyük mənasını qiymətləndirmə meylinin və […]

Ədalət, İnsanlaşma qonusunda söhbət

(Soylu Atalı yazılarını amaldaşlarına oxuyur, ortaya sorular çıxdıqca cavablandırır) Müdriklərin düşüncəsi belədir: maddi üstünlüyünə fərəhlənmə ki, onu itirəndə kədərlənməyəsən. Bu, insanın dünyaya münasibətinə yönəlik çağırışdır. Hər kəs maddi bir şey əldə edəndə sevinir. Bu qaçılmazdır, sevinməsi doğrudur. Ancaq insanların ömründə ruhani fərəh olmadığına görə, həyatdan maddi nə gəlirsə onun fərəhinin qaynağına çevrilir. Ona görə maddi […]

Asif Ata. Saflıq – Günah

İnsan özüylə barışanda, kifayətlənəndə günaha batır. Yırtıcılığıyla barışır – günaha batır! Zorakılığıyla barışır – günaha batır! Zəlilliyiylə barışır – günaha batır! Qəddarlığıyla barışır – günaha batır! Şöhrətpərəstliyiylə barışır – günaha batır! Süniliyiylə barışır – günaha batır! İnamsızlığıyla barışır – günaha batır! Nankorluğuyla barışır – günaha batır! Bədxahlığıyla barışır – günaha batır! Qorxuyla barışır – günaha […]

Soylu Atalı. Türkçülük dəyərdir – siyasi proses deyil

May 3rd, 2021 admin

(Yusif Akçuranın “Türkçülüyün tarixi” kitabına yönəlik axtarışlar, düşüncələr)

 XIX yüzilin axırlarından başlayaraq “Türkçülük Axımı”nın yaranması Türk ulusunun yaşamında olduqca dərin bir aşama sayıla bilər. Bu axımın (hərəkatın) yaranması, ağır durumda, çətin ortamda bənzərsiz işlər görməsi nə qədər önəmlidirsə, onu yazıb sabaha çatdırmaq da bir o qədər önəmlidir. Keçmişimiz zəngin zəhmətlərlə dolu olduğu halda, biz o faktları ya bilməmişik, ya da çox az bilgilərlə yetərlənmişik. Çünkü tarix yaratmağımızla onu yazmağımız arasında həmişə bir boşlıq olmuşdur. Bununla da insanlar öz keçmişindən uzaq düşmüş, özünə, öz xalqına inamı, güvənci ortadan qalxmışdır. Bizi işğal edənlər, tarix səhnəsindən sıxışdırmağa çalışanlar həmişə bu boşluqdan yararlanmışlar. Sonucda biz bizi sıradan çıxaranlara qurtuluşumuzun yiyəsi kimi baxmışıq. Buna tarixdən ərəblərin  işğalını da misal göstərə bilərik, Rusiyanın da (istər çar dönəmi olsun, istər Bolşevik dönəmi). Ardını oxu »

Yadigar Türkel. ULUSAL ÖZÜNÜANLAMA DERSİ, YA DA İT OLUM, GURD OLUM, TÜRK OLMAYIM, BEY OLMAYIM DÜŞÜNCESİZLİYİNE YANIT

May 1st, 2021 admin

Sayğılı oxucu, bu yazı heydarizmin “Azadlıg” gazetini bağladığı günlerde yazılmışdı. Ele bilirdim, çap olunub. Bilmirem. Onu “Üç ulduz, bir Güneş” bitiyini işleyende gördüm. Özünütanıma baxımından, daha çox da ardı öyredicisir.

ULUSAL ÖZÜNÜANLAMA DERSİ, YA DA İT OLUM, GURD OLUM, TÜRK OLMAYIM, BEY OLMAYIM DÜŞÜNCESİZLİYİNE YANIT

(Politik ağı)

1

Bu günlerde Rus-ermeni-sovet-mason bolşefaşizminin töremelerinden biri, gazetlerin birinde bele axmaglamışdı: “Azerbaycana heç kim beyler-xanlar boyda pislik etmeyib!”. Yadıma Azərbaycan Türklerinin yaşıllarının 1988-ci il fevralın 19-dan Bakıdakı başçısız, dağınıg çıxışları düşdü. Geri boylanıb o çağkı, ele indiki de yiyesizliyimizden utandım. Onda Ermenilərin Zori balayanlartek ideologları vardı, Ermenistan SSR Elmler Akademiyasının prezidenti Ambarsumyan, Silva Kaputikyan kimi yanları ulusunun gabağına düşüb, yalan-düz onun haggını isteyirdiler. Azerbaycan Türklerinin ulusal gücü bu gün de sorumsuzcasına dağıdılır! Ardını oxu »

Milli Hökumətin devrilməsi (Asif Atayla görüş)

Aprel 28th, 2021 admin

Asif Ata:
(Üzünü zala tutub) Ürəyinizdə Günəş Olsun!
Onda ən soyuq havada belə üşüməzsiniz.
Azərbaycanlılar dünyanın arxasına düşəndə uçuruma düşdülər. Azərbaycan dünyanın əks-sədası olanda səsi batdı.
Azərbaycan dünya adlanan dairəyə düşəndə çıxa bilmədi. Azərbaycanlılar özümlü olmayanda özgələşdilər. XX əsrdə dünya Rusiya idi və dün­ya Avropa idi. Avropadan səs gəlirdi, Şərqdə əks-səda verirdi. Şərqin fəlakəti onda idi ki, öz dünyasından ayrılmışdı. Orda həll olunurdu bütün dünya məsələləri. İnqilablar orda həll olunurdu – Avropada. Rusiya da Avropanın rəmzi sayılırdı, Rusiyadakılar da. Ona görə Rusiya yaşayırdı. Heç kəs yaşamırdı və yaşayan da Rusiya kimi yaşayırdı – onun kölgəsi kimi.
Fəlakət bunda idi. Müsavatçılar da Rus ziyalıları idilər. Ümumən Rus milyonerləri idilər Azərbaycan milyonerləri. Ümumən Azərbaycanlı olaraq məşhur yox idi, mahiyyətcə. Oxumağa da gedirdilər Rusiyaya. Rusiya sosial-demokratiya yaranmışdı və müsavatçılar sosial-demokratiyanın hissəsi idilər. Ardını oxu »

Soylu Atalı

Soylu Atalı. Bir Ömürdə iki tale

Aprel 21st, 2021 admin

(Ş.İ.Xətainin ömür yoluna yönəlik bir neçə söz)

 1. Xadimlik

 Bu gün bir sıra üzdə olanlar milli olaylara qarşı danmaq (inkar eləmək) yolu tutub. Bu yanaşma Ş.İ.Xətaiyə qarşı da yönəlib. Bir var yanlışları görmək, göstərmək – bundan dərs götürmək, bir də var, yağılığın xeyrinə şəxsiyyətin, dəyərin üstündən biryolluq cız çəkmək. İçimizdə başqalarının buyruğuna çalışanlar, nəyimiz varsa, hamısının üstündən biryolluq cız çəkirlər. Ölkə insanları da ən çox onların təbliğatını görürlər, onların yazdıqlarını oxuyurlar. Milli özünə inam o qədər zədələnib, hər şeyimizin pis olduğu, uğursuz olduğu görsənişi yaranıb ağıllara yeriyir. Doğrunu yazanlara isə elə də ciddi inanmırlar. Halbuki doğrunu yazanların sayı çox da deyil. Eyni halda, tərs yazanların yayılması, etki göstərməsi üçün ortam daha genişdir. Televiziyalar, basın yayınları onlara daha çox meydan verirlər. Ya da onların özləri basın yayınları işlətmək üçün maddi cəhətdən təmin edilirlər. Əlində telefon, bilgisayar olanlar da milli-mənəvi uğurlarımızın olacağına, yaranacağına inanmaq istəmirlər. Ardını oxu »

Asif Ata. Cəmiyyəti qoruyan

Aprel 21st, 2021 admin

Cəmiyyət Qanunları İnsanı qoruyan görünür, – əslində o, cəmiyyəti qoruyur – cəmiyyət – cəmiyyət qanunları vasitəsiylə özünü qoruyur.
Cəmiyyət Qanunları Ağalığı qoruyur əslində.
Cəmiyyəti Xalq üçün yaranan bilirlər, görürlər, – əslində isə cəmiyyət əsas etibarilə Ağalıqdan yaranıb, Ağalıq üçün yaranıb.
Ağalıq meylindən, ehtirasından yaranıb. Ardını oxu »

Soylu Atalı. Faciə konsepsiyası (V.Şekspirin “Hamlet” əsəri üstə düşüncələr)

Aprel 19th, 2021 admin

 İnsan faciəsinin tarixi elə insanlığın yaşı qədər qədimdir. Bu tarixi səhifələmək necə də dəhşətlidir. Adamın ürəyi üzülür. Tarixi vərəqləmək, xatırlamaq istəmir. Dünyanı sevmək yerinə dünyadan əl götürmək istəyirsən. Bu cür dünyada yaşamaqdan fərəh ala bilmirsən. İnsanın fəlakətlər tarixinin hansı səhifəsini açırsan orada qladiatorluq dövrünün amansızlığını oxuyursan. Fəlakət fəlakət olaraq qalmır, o, dərinləşir, hüdudsuzlaşır. Sonsuz qatlarda hər cür faciə çalarlarının tanıqı (şahidi) olursan. İnsan təkcə öldürülmür (qətlə yetirilmir), lağa qoyulur, məshəkəyə çevrilir. Eyş-işrət məclislərində əyləncə vasitəsi kimi qullanılır. Faciənin dəhşəti, mürəkkəbliyi ondadır ki, ölən də insandır, öldürən də, gülən də insandır, ağlayan da, zalım da insandır, zavallı da. Həmişə də yaradıcı insanların axtarışları bu nöqtədə qəlizləşir. Ümidi bu nöqtədə sarsılır. Həmişə də insan faciəsini araşdıranlar, yol axtaran dahilər, yaradıcılar həqiqəti üzə çıxarmaq üçün bütün yollara bu nöqtədən göz yetiriblər. Şekspir də öz yaradıcılığında baxışlarımızı bura yönəldir. Bizə görə Şekspirin “Hamlet”i, özünün dəyəri baxımından, brunoların, yan qusların fəlakətli ölümlərinin gördüyü işlə bir xətt üzərindədir. Qəhrəman ömürlər bizə yaşamın çətinliyini, mənasını göstərə biliblər. Ardını oxu »

Yadigar Türkel. ELMİRA MURADALİYEVANIN AZƏRBAYCAN ACISINI BÖLÜŞƏRƏK

Aprel 13th, 2021 admin

Pr. D-r Elmira Muradaliyeva Fb-deki “Roman Sıpin ölmedi, biz batdıg” ideoloji yazısına yüksek düşüncesine uyğun yanıt verib: “İdaretmenin belası prioritetleri doğru seçmemeyindedir. Görün elm meydanı (başga sahelerde olduğu kimi) kimlerin elindedir?”
Yanıt Azerbaycan Respublikasının salındığı ağır ideoloji durumu aydın gösterir. O, tekce düşünen bir bilimçinin yox, bütün yurdseverlerin çekdiyi acıdır. Azerbaycan Respublikası konstitusiyasının 109-cu maddesine göre, Türk Ulusunun, Azerbaycanlıların passionar enerjisini goruyub, ölkenin yararına yöneltmekden sorumlu Azerbaycan Respublikası prezidentinin ulusal dirçeliş programı yaratmag yerine apolitik işler görmesi daha acınacaglıdır. Ardını oxu »

Soylu Atalı. Zəkanın demədikləri

Aprel 11th, 2021 admin

(Fridrix Nitsşenin “Antixrist” kitabına yönəlik düşüncələr)
Bu günlərdə Fridrix Nitsşenin “Antixrist” kitabını oxudum. Kitabın dilimizdə hazırlanmasında əməyi olanlara sayğımı sunuram. Ancaq həm də ərk edib irad bildirmək istəyirəm. Nə çevirən, nə də redaktor yerində olmayıb. Sətri çevirmə olduğundan məzmun o qədər dolaşır, düşüncələri tutmaq çətin olur. Cümlələr uzun, cümlə üzvləri bir-birinin yerinə keçir. Bir Sözlə, kitab oxunaqlı durumda deyil. Bununla belə, çətinliklə olsa da, kitabı oxudum. Nitşsenin başqa kitabını, yazılarını da oxuduğum üçün üslubunu, fəlsəfi hədəflərini tanıyıram. Oxudum, bəhrələndim, ancaq həm də rahatsız oldum. Nitşse zəkalı alimdir. Bir sıra zəka yiyələri kimi onun da qabaqcıl düşüncəli insanlara etki göstərmək imkanları vardır. Nə yazıqlar, bir sıra qələm adamları qıraqdan gələn ədəbiyyatların əyrisini, doğrusunu araşdırmadan təbliği ilə uğraşırlar. Öncələr də yazmışıq, dünyada geniş yayılan, iz buraxan ədəbiyyatları dilimizə gətirib oxucuların ixtiyarına vermək maarifçilik işidir. Ardını oxu »

YADİGAR TÜRKEL. ROMAN SIPİN ÖLMƏDİ, BİZ BATDIQ

Aprel 11th, 2021 admin

2-ci Garabağ Savaşında Azerbaycan Respublikasını, Azerbaycan Türklerini  – Azerbaycanlıları yağıdan aslantek ideoloji goruyan İsrailli Yahudi Roman Sıpin martın 28-de 56 degigelik verilişinin sonunda Azerbaycan Ağalığının gerekenleri etmediyini gösterenden sonra dedi: “Ya uxoju! – men gedirem, men getdim!”.
Bizim günde olan uluslar yaşadıgları çetinliklerden gurtulmag üçün başda ideoloji işler olmagla, bütün gerekenleri bilimsel strateji özülde gurmağa çalışmalı, Ulusal Yenidendoğuş, varlıg programı yaratmalıdırlar! Sayğılı oxucular menim Fb sehifemdeki “Azerbaycan Türklerinin Yenidendoğuş İlkeleri” sıralanmış yazılardan bu ideoloji ilkeleri düşünceme, biliyime uyğun gereken günlerde ireli sürdüyümü öyrene bilerler. Ardını oxu »

Soylu Atalı. Həyatdan üstün yaşamaq axtarışı

Aprel 10th, 2021 admin

(İ.S.Turqenevin “Atalar və Oğullar” kitabı üstə düşüncələr)

 Turgenevin bu əsəri həyata obyektiv yanaşmanın insani bir durumunu göstərən sənət örnəklərindəndir. Aydın mühakimələr, bədii, assosiativ çalarlar oxucunun qarşısında düşüncə səhifələri açır. Turgenevin obrazları da yaradıcı obrazlardır. O, bu obrazları vasitəsiylə dövrün ənənəvi xüsusiyyətlərini, ictimai psixologiyasını görmək, dərk eləmək imkanı yaradır. İnsanların həyatla, mühitlə əlaqələrini dolğun biçimdə izah etməklə adamın gözləri qarşısında canlı səhnələr açır. Biz obrazların qarşılaşmasında, dialoqlarında onların davranışlarını, jestlərini, hətta üzlərinin cizgilərini, boylarını, geyimlərini aydınca təsəvvür edirik. Bu isə yaradıcıda estetik duyğuların ideyalla təmasda olduğunu sübut edir. Turgenev həyatı sevir, ancaq gerçəkliklə əsilliyin əlaqəsi onu qane etmir. Ona görə də bu obrazları vasitəsilə əslində sevdiyi həyatı axtarır. Öz oxucusunu da bu axtarışa qoşur. İlk epizodlarda Turgenev həyatın təbii gedişlərinin dialektikasını verməklə yanaşı, ictimai inkişafın təbii gedişlərdə öz rolunu hansı səviyyədə göstərməsini də izah etməyə çalışır. Ardını oxu »

« Older Entries
Newer Entries »
Açıklama
Powered by WordPress | Designed by: best suv | Thanks to trucks, infiniti suv and toyota suv