Ayın 1-i Mütləqə İnam Ocağı “Yeni İl” törənini gerçəkləşdirdi. İlin anlamı, törənləşmə nədəni üstə düşüncələr sərgiləndi. Ocaq 20 ildir (cismani baxımdan) Asif Atasız Yol gedir. Bu illərdə Ocağın yaşamı bütün gərginliyi, zənginliyi ilə birlikdə uğurlu olmuşdur. Ocağa yeni Ocaqçılar gəlmiş, sağlam ortam yaranmış, yanaşmalarda yüksək doğmalıq aşamaları başlamışdır. Buna görədir – minlərlə ədəbiyyatlar hazırlanmış, çap olunmuş, dərgi buraxılışları basılaraq yayılmışdır. Azərbaycanın şəhərlərinə, rayonlarına, eləcə də çoxsaylı kəndlərinə yüzlərcə səfərlər edilmiş, görüşlər keçirilmişdir. Bu səfərlərdə ədəbiyyatlar paylanmışdır. Səfərlər çətinliklərlə başa gəlmişdir. Döydüyümüz yüzlərlə qapılardan üzümüzə beşi açılanda onu bağlanmışdır. Ancaq yorulmadıq, inamımızı itirmədik. Bu Vətən, bu Millət mənimkidir deyə, inadımızdan dönmədik, milli-insani söz dedik. Ağıllarda, düşüncələrdə vətənimizin, millətimizin mənəvi obrazını yaratmağa çalışdıq. Dayanmamışıq, davam edirik. Ardını oxu »
Nurtəkin Atalı. Ocaqlaşan talelər
Ocaqda hər bir ünsiyyət doğmalaşmaqdır; Eyni halda milli şüurun inkişaf yollarını birgə aramaq və ona təkan verməkdir; Hər görüşdə paylaşırıq düşüncələrimizi, duyğularımızı, ağrılarımızı; Yol açmaqdır çıxılmazlıqlara. Birləşməkdir, möh-kəmlənməkdir bu yolda. Birləşirik kədərdə, qayğıda, ümiddə;. Çünkü birləşməsən çıxa bilməzsən əsrlərin yükünə çevrilən problemlərdən; Yollar ideya ilə başlayır, düşüncələrlə, əməllərlə davam edir; (Bu gün çox şeylər imkansız […]
Asif Ata. İnam – Şübhə
İnam həyatda əbədi, sonsuz, kamil mahiyyət görür. Şübhə həyatda yalnız keçici, ölümlü, qeyri-kamil əlamət görür. İnam deyir ki, bütün nöqsanlarıyla yanaşı, həyat təsdiqə layiqdir, çünki o, özündən, görünəndən, təzahür edəndən artıqdır, böyükdür, yüksəkdir, onun keçiciliyinin arxasında sonsuzluq, qeyri-kamilliyinin arxasında kamillik dayanır. Şübhə deyir ki, həyatda əbədi, sonsuz, kamil heç nə yoxdur, bu səbəbdən də o, […]
Soylu Atalı. Borçalının taleyini düşünəkmi!?
Uzun aralıqdan sonra bu günlərdə Borçalıya səfərim oldu. 2019-cu ildə başladılan pandemiyadan üzü bu günədək Azərbaycan dövləti quru yolları bağlı tuturdu. May ayından Azərbaycanla Gürcüstan arasında dəmir yolunun işə salınmasına baxmayaraq, yolların yenə də bağlı olmasını deməyə ciddi səbəblər var. Ya bilet tapmaq olumsuzdur, ya da biletlər şişirdilmiş qiymətlərlə satışa buraxılır. Hərçəndi onu da əldə […]
Asif Ata. Müqəddəslik – Hərcayilik
Müqəddəslik – hadisələrin, keyfiyyətlərin, xassələrin əbədi, sonsuz, kamil, mütləq mənasını təsdiq edir. Hərcayilik – hadisələrin, keyfiyyətlərin, xassələrin ölümlü, keçici, qeyri-kamil, nisbi mövcudluğunu təsdiq edir. Bu cəhətdən, müqəddəsliklə hərcayilik bir-biriylə yanaşı yaşayır və vuruşur. Həyat onların heç birinə tam qələbə gətirmir, hər ikisini yaşadır. O, insanın qəlbində yaşayan iki duyğunun – həyatın həyatdan böyük mənasını qiymətləndirmə meylinin və […]
Ədalət, İnsanlaşma qonusunda söhbət
(Soylu Atalı yazılarını amaldaşlarına oxuyur, ortaya sorular çıxdıqca cavablandırır) Müdriklərin düşüncəsi belədir: maddi üstünlüyünə fərəhlənmə ki, onu itirəndə kədərlənməyəsən. Bu, insanın dünyaya münasibətinə yönəlik çağırışdır. Hər kəs maddi bir şey əldə edəndə sevinir. Bu qaçılmazdır, sevinməsi doğrudur. Ancaq insanların ömründə ruhani fərəh olmadığına görə, həyatdan maddi nə gəlirsə onun fərəhinin qaynağına çevrilir. Ona görə maddi […]
Soylu Atalı iş yoldaşları ilə “Xocalı soyqırımı”nı anım toplantısı keçirdi
Mart 1st, 2017 
admin Xocalıda soyqırıma uğrayanlarla bağlı bir neçə kəlmə söz deyib bu faciəni duymağımızı istəyirəm. Bu gün, 2017-ci il, fevralın 26-sı Xocalı soyqırımının 25-ci ilidir. Yüzilin dörddə biri deməkdir. Bizim dövlətimizin siyasəti torpaqlarımızı geri götürə bilmir. Bu ayrı bir məsələ. Biz dayanmayan faciələrimizin mahiyyətini dərk etməliyik. Bu gün biz təkcə bir şəhərdə qırılanların deyil, bütövlükdə millətin faciəsi ilə üz-üzəyik. Yəni faciə bir bölgənin deyil, millətindir. Ona görə mən hesab eləyirəm, bu tarix, ən azından onun il dönümündə, hər birimizin diqqətimizdə olmalıdır. Olay özü bütövlükdə ürəyimizdə, şüurumuzda olmalıdır. Çünkü bunu bu gün hər biriniz bilirisiniz, ancaq bizdən sonrakı soylar bilməyəcək. Bizim qədər təsəvvür eləməyəcəklər orda nə baş verib. Sadəcə olaraq olayları eşidəcəklər, ermən-rus birləşmələri orda bizim insanlarımızı qırıbdır. Ancaq biz körpə uşaqların, qadınların, qocaların başına gətirilən oyunları, namusa toxunulmaları görən, yaşayan soylarıq. Ardını oxu »
Soylu Atalı. Milli Faciəmizin Xocalısı
Fevral 25th, 2017 admin Güclü siyasət, zəif siyasət deyilişini qəbul etmirik. Güclü dövlət, zəif dövlət məntiqini doğru sayırıq. Güclü siyasət olmur, gücə dayanan siyasət olur. Bəs dövlətin gücü nəyə bağlıdır?! Hesab edirik ki, sağlam prinsiplər üzərində milli ideologiyanın işlənib hazırlanması və dövlət idarəetməsində hakim təsirə malik olması gərəkdir. Bunu isə ədalətli şəxsiyyət, milli ruha bağlı olan siyasi xadim gerçəkləşdirə bilər. Dövlət güclü olanda əməli addımlar atır, zəif olanda isə baş qatır. Dövlətin zəif, ya güclü olmasını ilk növbədə onun öz içində yaratdığı nizamda görmək olar. Bu nizamın adına “daxili siyasət” deyirlər. Dövlət içrə yaranan nizam ədalətli qanunlarla həyata keçiriləndə dövlətin dünyada yeri və təsiri də bəlli olur, yəni dövlətin yürütdüyü xarici siyasət öz xalqının müstəqil mədəni, mənəvi varlığını təmsil edir. Ardını oxu »
Borçalı bu gün (söhbət)
Fevral 20th, 2017 admin Son zamanlar Azərbaycanın qədim diyarı olan Borçalının sosial-iqtisadi durumu, milli mədəniyyəti, tarixi ilə bağlı qayğılandırıcı bilgilər yayılmaqdadır. Qədim yurdumuz Borçalı bu gün regionda maraqları olan qlobal güclərin, qonşuluqda yerləşən imperialist dövlətlərin poliqonuna çevrilmişdir. Çeşidli faktorlardan yararlanmaqla amaclarına çatmağa çalışan bu güclər Borçalı ilə bağlı dəyərlərimizə qorxu yaratmaqdadırlar.
Qlobal.az Borçalının real durumu, orada gedən proseslərin kökü, amacları ilə bağlı qaranlıqlara aydınlıq gətirilmək üçün “Yurdumuz, Tariximiz, Milli Kimliyimiz” rubrikasında Asif Ata Ocağının Yükümlüsü Soylu Atalının, Fəlsəfə öyrətməni Asif Ozanın (hər iki aydınımız kökcə Borçalıdandır), ideoloji çarpışmanın öncüllərindən Xaliq Bahadırın qatqısı ilə keçirilmiş debatı sunur: Ardını oxu »
Soylu Atalı. Güney Azərbaycan haqqında düşünməmək yaşamamaqdır
Fevral 19th, 2017 admin Günaydın, sayğılı yurddaşlarım!
İki gün öncə Güney Azərbaycana baxışı soruşan bir status yazdım. Bir sıra yorumlar yazıldı. Türkiyəli soydaşlarımızdan da məsələyə ilginc yanaşmalar oldu. Düşüncəsini bildirən hər kəsə təşəkkür edirəm. Görünən odur ki, baxışlarda ayrıntılar olsa da, bu məsələ çoxlarını ilgiləndirən, rahatsız edən qonudur. Bu yaxşı haldır. Rahatsızlıqlar belədir: Güney Azərbaycanla Quzey Azərbaycan uzun bir aradır ayrı düşüblər, mədəniyyət, baxış, məzhəb ayrıntıları var. Bu faktlara dayanılıb düşünülür: bu iki parçanın birləşməsi qısa çağda olası deyil. Ona görə özərklik (muxtariyyat) ideyasına üstünlük verən var; “öncə bağımsızlıq əldə etməlidir” deyən var; bu məsələni gündəliyə gətirməyi – Kürdüstan qurucularına yardım kimi dəyərləndirmələr var… Hər kəsin düşüncəsinə dözümlü yanaşaq. Ancaq deməliyik: nə olursa olsun, Azərbaycanın birləşməsi yönündə düşüncələr dərinləşməli, marifləndirmələr genişlənməli, milli-ideoloji yardımlar daha böyük aşamaya keçməlidir. Ardını oxu »
Xaliq Bahadır. 31 yanvar – Özgürlük, Demokratiya günü
Fevral 13th, 2017 admin Hər gün Məhəmməd Əmin! Hər yer Məhəmməd Əmin!-
yanvarın başlanğıcından belə bir kampaniya başladım. Hər gün bu yöndə yazı yazdım. Daha çox, daha sanballı yazılar yaza bilərdim – göz sorunu olmasaydı.
Nə yazıqlar, o balaca yazılar da yetərincə qarşılıq görmədi – onları oxuyub bəyənənlərin sayı 60-ı aşmadı. Bu isə mənim suçum deyil, uzun illərdən bəri yalan yerə “yolumuz Rəsulzadə yoludur” deyə-deyə ÖZGÜDÜKÇÜ-PRAQMATİK (başqa tür desək, alverçi) siyasətlərlə Böyük Xalq Hərəkatını – çoxsaylı müxalifəti gətirib yoxluğa çıxarmış bəlli “müxalifət liderlərinin” suçudur. Ardını oxu »
Xaliq Bahadır. “Böyük qayıdış” – Cocuq Mərcanlı!
Fevral 11th, 2017 admin Mən də sizin kimi… AzTV-lərə baxmıram. Ancaq… hərdən baxıram – siyasi gərəkçə ilə. Bir neçə gündür informasiya-propaqanda proqramlarına göz atıram. Bütün informasiya-propaqanda (AzTV-lərdə 24 ildir gerçək informasiya proqramı yoxdur!) proqramlarında Cocuq (çocuq) Mərcanlı reytinq birincisidir. AzTV-lər prezident administrasiyasından gələn göstərişlə xalqa “Böyük qayıdış” nağılları danışmaqdadırlar.
1994-cü ildə qaytarılmış Cocuq Mərcanlıya 24 il sonra qayıdış qayıran hakimiyət “tezliklə bütün Qarabağa qayıdılacağı” ilə bağılı Göbbels propaqandası tirajlayır.
Soylu Atalı. Yurddaş sözü
Fevral 11th, 2017 admin Sovetlər birliyi adında imperiya Türk birliyini dağıdan və türkləri dağınıq saxlayan başlıca güc mərkəzi idi. “Türk” sözünü, türk milli kimliyini millətin yaddaşından pozmağa çalışan ikinci güc mərkəzi İran imperiyası olub. İran adlanan ölkənin toplumunun əsas kütləsi Azərbaycan türkləri olduğu üçün, onun assimilyasiya yönündə etkisi də əsasən türkün Azərbaycan boyuna qarşı yönəlib. Orada başqa etnik türklərə münasibət Azərbaycana münasibətin tərkib hissəsi kimi özünü göstərir. Türk milli şüurunun oyanmasından vahimələnən İran həmişə sərt, kəskin vasitələrə əl atıb. Sovetlərin “şirin” özgələşdirmə üslubu ilə İranın qəddar özgələşdirmə üslubu arasındakı fərq yalnız onların daşıdıqları ideologiyalarla bağlı olub. Ardını oxu »
Xaliq Bahadır. ABBAS MİRZƏ (Türkmənçay bağlaşmasının 200 illiyi qarşısında)
Fevral 10th, 2017 admin Ey Türk xalqı, sənə Özgürlük qazandıracaq,
Ağ günlər yaşadacaq
sanlı çarpışmaya bütün gücünlə yüklən. Ardını oxu »
“Türkmənçay Bağlaşması” – Özgürlüyümüzün sınırı
Fevral 9th, 2017 admin Soylu Atalı: Ürəyinizdə Günəş olsun sayğılı yurddaşlarımız!
Bu gün Türkel Araşdırma Qurumu adına Azərbaycanın bir neçə aydını – Xaliq Bahadır, Yadigar Türkel, Abil Ulusoy, Əlisəfa bəy və mən, Soylu Atalı Azərbaycanın bölünmüşlüyü ilə, yəni “Türkmənçay Bağlaşması”nın növbəti ildönümü ilə bağlı bir araya gəlmişik.
Biz təkcə “Türkmənçay Bağlaşması”nın ildönümü ilə bağlı deyil, Azərbaycanın bütün köklü sorunlarını araşdıraraq milli-ideoloji yöndən fikirlərimizi bölüşdürmək üçün bir araya gəlirik və topluma bacardığımız və sevgimizin gücü içrə Azərbaycan həqiqətlərini, Azərbaycan sorunlarını, eləcə də Azərbaycanın gələcəkli taleyinin yönünü anlatmağa çalışırıq. Bu səbəbdən də mən soydaşlarımızı davamlı olaraq bizim onlara sunduğumuz söhbətləri izləmələrini, iradları varsa bildirmələrini, ələşdirmələrini istəyirəm. Sağlam, ulusal mövqe ortaya qoymalarını diləyirəm. Ardını oxu »
