Ruh gözəlliyi. Sifət gözəlliyi. Günəş gözəlliyi. İlqar gözəlliyi. Ağıl gözəlliyi. Sevda gözəlliyi. Səhər gözəlliyi. Kədər gözəlliyi. Arzu gözəlliyi. Qeyrət gözəlliyi. Çöl gözəlliyi. Yol gözəlliyi. Hicran gözəlliyi. Vüsal gözəlliyi. Gecə gözəlliyi. Duyğu gözəlliyi.
Analıq gözəlliyi. Bulaq gözəlliyi. Mütləqə qovuşmaq gözəlliyi. Amal gözəlliyi. Həsrət gözəlliyi. Fəryad gözəlliyi. Söz gözəlliyi. İmtina gözəlliyi. Özündənkeçmə gözəlliyi. Torpaq gözəlliyi. Ürək gözəlliyi. İlham gözəlliyi. İnam gözəlliyi. Yuxu gözəlliyi. Ardını oxu »
Soylu Atalı. Borçalının taleyini düşünəkmi!?
Uzun aralıqdan sonra bu günlərdə Borçalıya səfərim oldu. 2019-cu ildə başladılan pandemiyadan üzü bu günədək Azərbaycan dövləti quru yolları bağlı tuturdu. May ayından Azərbaycanla Gürcüstan arasında dəmir yolunun işə salınmasına baxmayaraq, yolların yenə də bağlı olmasını deməyə ciddi səbəblər var. Ya bilet tapmaq olumsuzdur, ya da biletlər şişirdilmiş qiymətlərlə satışa buraxılır. Hərçəndi onu da əldə […]
Asif Ata. Müqəddəslik – Hərcayilik
Müqəddəslik – hadisələrin, keyfiyyətlərin, xassələrin əbədi, sonsuz, kamil, mütləq mənasını təsdiq edir. Hərcayilik – hadisələrin, keyfiyyətlərin, xassələrin ölümlü, keçici, qeyri-kamil, nisbi mövcudluğunu təsdiq edir. Bu cəhətdən, müqəddəsliklə hərcayilik bir-biriylə yanaşı yaşayır və vuruşur. Həyat onların heç birinə tam qələbə gətirmir, hər ikisini yaşadır. O, insanın qəlbində yaşayan iki duyğunun – həyatın həyatdan böyük mənasını qiymətləndirmə meylinin və […]
Ədalət, İnsanlaşma qonusunda söhbət
(Soylu Atalı yazılarını amaldaşlarına oxuyur, ortaya sorular çıxdıqca cavablandırır) Müdriklərin düşüncəsi belədir: maddi üstünlüyünə fərəhlənmə ki, onu itirəndə kədərlənməyəsən. Bu, insanın dünyaya münasibətinə yönəlik çağırışdır. Hər kəs maddi bir şey əldə edəndə sevinir. Bu qaçılmazdır, sevinməsi doğrudur. Ancaq insanların ömründə ruhani fərəh olmadığına görə, həyatdan maddi nə gəlirsə onun fərəhinin qaynağına çevrilir. Ona görə maddi […]
Asif Ata. Saflıq – Günah
İnsan özüylə barışanda, kifayətlənəndə günaha batır. Yırtıcılığıyla barışır – günaha batır! Zorakılığıyla barışır – günaha batır! Zəlilliyiylə barışır – günaha batır! Qəddarlığıyla barışır – günaha batır! Şöhrətpərəstliyiylə barışır – günaha batır! Süniliyiylə barışır – günaha batır! İnamsızlığıyla barışır – günaha batır! Nankorluğuyla barışır – günaha batır! Bədxahlığıyla barışır – günaha batır! Qorxuyla barışır – günaha […]
Talıboğullarının qovuşma günü
Talıblı – 100 …Uzun illər axtarışdan sonra Kəpənəkçidə yaşayan Talıblıların başqa bölgələrdə yaşayan soy qohumlarına qovuşa bildik. Qaraqoyunlu mahalına, Qazağa, Dağ Borçalının Mollaevi kəndinə, Qaraçöp mahalına, Kəpənəkçiyə bölünmüş bu soyun (Talıboğullarının) bir araya gələrək, bir-birini tanıması prosesi birinci aşamada uğurla başa çatdı. İnanıram ki, bu soyu birləşdirən “Talıboğulları” kitabı (tarixi oçerk) hər bir “qol”da öyrənilərək […]
Asif Ata. Gözəl Dünya
Yanvar 29th, 2024 
admin 
Aqşin Ağkəmərli. ANA…
Yanvar 27th, 2024 admin Qardan kəfən geyinmiş bir şəhər…
Təbriz – 1946-cı ilin son səhəri. Günəşin üzərini duman alıb. Sazaq adamı bıçaq kimi kəsir. Sular donub, asfalt şaxtadan cadar-cadar olub. Novdanlardan qəndil-qəndil buz sallanır. Dükan-bazar bağlı, dövlət binaları talanmış, yandırılmış, qapı-pəncərələri qırıq-sökükdür. Yollarda, səkilərdə donmuş meyitlər, su arxlarına atılmış kəsik başlar, qoparılmış qollar… Meydanlarda yandırılmış qalaq-qalaq kitablar, dar ağaclarından asılan fədailər. Bir sözlə, qardan kəfən geyinmiş bir şəhər…
Vətənimin üzərində gəzir ilan başlı qara buludlar…
Qorxu içərisində çalxalanan şəhər gecələr qaranlıq çarşabını çəkir başına. Şəhərdən qaça bilən qaçmış, qalan can dərdində bir küncə qısılmışdır. Hər gün şahın quldur dəstələri Milli hökumətin, tanınmış şəxsiyyətlərin və fədai əsgərlərin ovuna çıxır, evlərinə basqın edir, əllərinə keçəni qarət edir, körpələri öldürür, qız-gəlinlərə təcavüz edirdilər. Qadınların əllərini divara mismarlayıb, siqaretlə döşlərinə “Cavid Şah” yazırdılar. Tutulan fədailərin boynuna kəndirlə daş bağlayır, Acıçay körpüsündən suya tullayırdılar. Ardını oxu »
Soylu Atalı. Həyatla necə davranmalı
Yanvar 26th, 2024 admin İşin Ocaq yönü necədir, biz həyata nə dərəcədə bağlıyıq, bağlı olmalıyıqmı?! Biz həyata bağlılığı açıb qırağa qoymaqdan çox danışırıq. Ancaq həyata bağlılığı açıb qırağa qoymaq daha çox məcazi xarakter daşıyır, gerçək anlamda deyil. Yəni biz, həyatın bioloji cəhətlərinin bizim üzərimizdə hakim olmasını açıb qırağa qoyuruq. Həyatın bizim üzərimizdə ağa kimi davranması, bizim iradəmizi zorlaması, iradəmizin özümüzdən asılı olmaması kimi məsələlərə dirəniş göstəririk. Biz demirik ki, Ömürtay işləyir evinə pul qazanmalı deyil, ancaq əqidəni düşünməlidir, ya Nurtəkin, ya bir başqası, fərqi yoxdur. Yəni bizim hər birimiz işləməyə, ailə saxlamağa, evimizi dolandırmağa sorumluyuq. Bunu danmaq kimi bir hədəf ola bilməz. Ardını oxu »
Paşa Talıblı. Şeirlər
Yanvar 26th, 2024 admin Təzə bir şer yaz, qaraca oğlan…
(Emil Rasimoğluna)
*
… təzə bir şer yaz, Emil əfəndi!
… orda ayla, illə, burda müxtəsər,
köhnədən-təzədən…təzə bir şer!
Min il əhədimi kəsən dərdimin
bəlkə əhədini kəsə bir şer!
*
… təzə bir şer yaz, Emil əfəndi!
… fikirlər narıncı, cəhrayı rəngdə,
misralar körpətək day dura bilsin.
Elə yaz, şirinli-acılı olsun,
mənim ac könlümü doydura bilsin!
*
… təzə bir şer yaz, Emil əfəndi,
dirilik suyuna batır qələmi!
Sənə deyəcəyi çox sirlər qalır,
dizinin dibində otur qələmin.
Aqşin Ağkəmərli. Xoşbəxt sevgi xatirəsi
Yanvar 24th, 2024 admin Təhsilimlə bağlı Təbrizdən Bakıya gəlmişdim. Bir neçə öyrənci ilə Sovetski deyilən məhəllədə İsmət nənənin evində bir otaq kirələdim.
Bir gün səhər Zərgərpalan küçəsindən İçərişəhərə gedirdim. Xoş, ürəyəyatımlı küləkli hava vardı. Yol boyunca çinar ağacları Günəşin doğuşuna sanki sevindiklərindən rəqs edərək sağa-sola baş əyir, yarpaqları Günəşə “Xoş gəldin” deyirdilər. Əhvalım yaxşı idi, ağır-ağır addımlarımı daş döşəmələrin üstünə basa-basa irəliləyirdim.
O an qarşımdan bir qız keçdi. Gözləri gözlərimə sataşdı. Gözlərinin odundan içim alovlandı. O vaxta kimi belə bir hiss keçirməmişdim.| Ardını oxu »
Paşa Talıblı. Şeirlər
Yanvar 24th, 2024 admin İndi tanıdınmı Dadaloğlunu…
(A.Təhləliyə)
*
…bir yarpaq şerini oxudum, ustad!
Belə görməmişdim ox udan səni…
…dost sözün dostluğu deyilsə, onda
nədi yastı-yastı oxudan səni?
*
Belə yaslı-yaslı oxudan nədi…
Yoxsa ki, qoynundan yar atıb səni?
Qor kimi yaradıb o xudan səni,
kül altda qor kimi yaradıb səni!..
Asif Ata. 20 Yanvar
Yanvar 20th, 2024 admin Qərb Erməniləri Qorbaçovşinadan incimişdilər.
Moskva Erməniləri Qorbaçovşinadan incimişdilər.
Ermənistan Erməniləri Qorbaçovşinadan incimişdilər.
Balalarımıza güllə atılmalıydı.
Qorbaçovşina inciyənlərlə barışmalıydı.
Azərbaycan hökuməti özünün elan etdiyi suverenliyə elə inandı ki, özünü doğrudan da, müstəqil saydı və Mərkəzə diş qıcartdı.
Mərkəz də onun dişini qırıb qarnına tökdü.
Nəqliyyat Blokadaçılarına atıldı balalarımıza atılan güllə.Neftçalalılara atıldı. Ardını oxu »
Soylu Atalı. 20 Yanvar Dərsi
Yanvar 20th, 2024 admin Zərdüşt Əsilliyik – İşıqçılıq həsrətlisiyik.
Qaranlığa alışmadıq, «20 Yanvar» yaratdıq.
Babək Əsilliyik – Azadlıq həsrətlisiyik.
Əsarətə dözmədik – «20 Yanvar» yaratdıq.
Dədə Qorqud Əsilliyik – Mərifət təşnəsiyik.
Təhqirə dözmədik – «20 Yanvar» yaratdıq.
Nəimi–Nəsimi Əsilliyik – Daxili Kamillik həsrətlisiyik.
Cəhalətin zülmünə dözmədik – «20 Yanvar» yaratdıq.
Füzuli Əsilliyik – Aşiqlik pərəstişkarıyıq.
Həyasızlıq təqibinə dözmədik – «20 Yanvar» yaratdıq.
Muğam Əsilliyik – İlahi Yolçuluq həsrətindəyik.
Saxtakarlığın fatehliyinə dözmədik – «20 Yanvar» yaratdıq. Ardını oxu »
Asif Ata. Gedimli Dünya
Yanvar 15th, 2024 admin İşığın bəbəkdən getməsi, çiçəyin çəməndən getməsi, sevginin sevdadan getməsi!
İlhamın duyğudan getməsi! Ümidin ürəkdən getməsi! Heyrətin gözlərdən getməsi! Mütləqin mənəviyyatdan getməsi! Eşqin hissiyyatdan getməsi! Doğmalığın səsdən getməsi!
Ağacın qırılması! Çayların quruması! Gözəlliyin solması! Bədənin məzara qoyulması!
Həsrət gedişi! Hiddət gedişi! Məqam, gün, ay, il gedişi! Yolların yollardan ayrılması! Biçimin məzmundan ayrılması! Övladın anadan ayrılması! Aşiqin məşuqdan ayrılması! İdrakın ehtizazdan ayrılması! Könülün Müqəddəslikdən ayrılması! Tarixin qədimlikdən ayrılması! Vicdanın əməldən ayrılması! Budağın kökündən ayrılması! Gözəlliyin saflıqdan ayrılması! Sözün həqiqətdən ayrılması! Şöhrətin ləyaqətdən ayrılması! Ömrün gənclikdən ayrılması! Qocalığın ağsaqqallıqdan ayrılması! Məhəbbətin qüdsiyyətdən ayrılması! Möhtəşəmliyin mərhəmətdən ayrılması!
Rəyasətin ruhanilikdən ayrılması! Vüsalın həsrətdən ayrılması! Qadınlığın mənəvi zəriflikdən ayrılması! Səsin könüldən, nəfəsin sinədən, insanın Vətəndən ayrılması! Durnanın qatardan, ağacın meşədən ayrılması! İgidin cərgədən ayrılması! Ardını oxu »
Günev Atalı. Millilik və İnsanilik
Yanvar 6th, 2024 admin Millət öz keyfiyyətləri ilə yaranır, var olur. O keyfiyyətləri onun əlindən alanda millət assimilyasiyaya uğrayır. Millət keyfiyyətlərini itirəndən sonra yaratdıqları təməlsiz olur. O nə yaradırsa, özgələrə yarayır. Ən böyük özgələşməyimiz ərəblərin yurdumuza yürüşüylə başladı. Onda biz kimliyimizi itirməyə başladıq. Təbii ki, özümüzün səhvlərimiz özgələrin göstərdiyi basqıdan az olmayıb. Özümüzə arxa durmamışıq. Dəyərimizə sahib çıxmamışıq. Ona görə də azadlığımızı əlimizdən aldılar. Bir milləti özünə yadlaşdıranda onun yenidən özünə gəlməsi üçün yüzillər gərək olur.
Dərindən baxanda bəlli olur ki, biz allahı əlindən alınmış millətik həm də. Bizə allah verdilər, kölələşdik, Mütləqiliyimizi itirdik. O keyfiyyətlər ki, xalqda minillərlə formalaşır, ona yiyə durmayanda özgələr bir anın içində məhv eləyə bilirlər. Özümüzə yadlaşandan sonra hər şeyimizi zorla formalaşdırıblar. Bax, indi Asif Ata bizim içimizi bərpa eləmək qüdrəti ortaya qoyub. Millətin millət kimi formalaşması üçün öz içində yaranan dəyəri qəbul etmək səviyyəsinə qalxmalıdır… Ardını oxu »
