Mənim şeirlərim elegiyadı… … tapdadı içimi atlı qarışqa, tapmadı içimi adlı qarışqa, qağayı burnu tək duzlaşıb içim. … göylərə yaraşır elə göy adı! Mənim şeirlərim elegiyadı, mənim şeirlərim başsağlığıdı…

Fəxri xiyaban … …nə qədər yer desən – Allahın altda səhra uzununda, düz enində, bax! Mövlam tərəfindən ismarlanmışam; diriyəm həmişə söz önündə, bax! Mənəm – ayağı cüt, izləri tək-tək!.. Yoxuşum boydadı enişim mənim… …təkkə türbəsidi, şah məzarıdı – Baş xiyabanlarda nə işim mənim?

Bir sevda ver mənə, Tanrım… Bir sevda ver mənə, Tanrım, mənə bir, mənə bir sevda! …aya bir, ilə bir vermə; günə bir, günə bir sevda! …bir sevda ki, dərd elə ver! …bir dərdini dörd elə ver! …ələklə ver, irdələ ver dənə bir, dənə bir sevda!

Bir könüldən min könülə… …məni haramdan vurdular, oramdasan, könül yaram! Könlümdəsən, könül sevən, yaramdasan, könül yaram! …ox dəydi sevər yerindən, yaralandı Bamsı Beyrək. Yar alandı, könül yaram, əynimdəki qanlı köynək…