Göynur Atalı. ASİF ATAnın İNSAN MAHİYYƏTİ düşüncəsinə qovuşma:

 ÜRƏYİNİZDƏ GÜNƏŞ OLSUN! İNSAN göründüyündən çox, görünməyəndir, zahirdəkindən çox, batindəkidir. Zahirdəki, biçimdəki sonlu, ölümlü – insanın mahiyyətindən aşağı gerçək mövcudluqdur. Batindəki, mənadakı, əbədilikdəki, kamillikdəki – insanın mahiyyətidir. İNSANIN mövcudluğu həmişə ruhani olmasa da, mahiyyəti həmişə ruhanidir. İnsanın mövcudluğu, gerçəkliyi onun mahiyyətinə bərabər deyil. Bu səbəbdən də insan ziddiyyətli yaşayır. Ancaq MAHİYYƏTİ ruhanidir, buna görə də […]

Soylu Atalı. “Türk-İslam” söz birləşməsi yanlışdır

 Ürəyinizdə Günəş olsun, sayğılı yurddaşlarımız! Bu gün biz, bir xalq olaraq, mənəvi geriləmə dönəmini yaşayırıq. Bunun ayrı-ayrı nədənləri var. Bu nədənləri aydınlaşdırmaqdan öncə xalqın tarixən formalaşması şərtlərinə qısaca baxış sərgiləməyimiz gərəkir. Söz yox, baxışlarınızı sivilizasiyaların başlanğıcına çəkib qonunu uzatmaq düşüncəsində deyilik. Bu bir ilkin (ibtidai) sərgiləmədir. Sonrakı aşamalarda deyəcəyimizi anlamağımız üçün epizodik bir başlanğıc kimi […]

Babək Məmmədli. Bir qrup şair var ki… – Şair xanımları bacı kimi sevənlər

Bir şair qrupu var, xeyli vaxtdır onları izləyirəm. Allahsaxlamışlar o qədər müsbət emosiya bəxş edirlər adama, özüm də bilmədən onların fanatına çevrilmişəm. Bizim gözümüzdə böyüdüb əzaba çevirdiyimiz həyatı onlar elə asan, elə rahat, elə şirin yaşayırlar ki, adamın xainliyi tutur. Hamının dörd gözlə gəzdiyi, adına xoşbəxtlik dediyimiz faili-məchulun düsturunu, formulunu mən deyərdim, xüsusi bir səy […]

İnamlı Atalı. Özümləşmə yönündə axtarışlar

Ürəyinizdə Günəş olsun, sevimli yurddaşlarım! İnsanın Məna yönündə artıb, böyüyüb, yüksəlməsində özünüdərkin böyük rolu vardır. Özünüdərk İnamdan başlanır. İnsana inanasan gərək. Başqa sözlə, İnsanın İnsanlıq Qüdrətinə inanasan gərək. İnsanın görünəndən, bilinəndən artıq, böyük, yüksək olan daxili imkanlarına inanasan gərək. İnsan – işıqdır – qaranlıqları yaran! Bəşər tarixində bu günə kimi insanın tapındığı inamlar nisbi inamlar […]

Asif Ata. Cəmiyyət

Cəmiyyətin məqsədi ruhanidir: insanın ləyaqətini, böyüklü­yünü, qüdrətini təsdiq etmək, sonsuz, əbədi, kamil mahiyyətini aşkara çıxarmaq. İnsan təklikdə özünə çata bilmirdi. O, cəmdə özünə çatmaq istədi. İnsanın daxilindəki ruhanilik – sonsuzluğa, əbədiliyə, kamil­liyə meyil onu özündən kənara çıxmağa, özünü cəmiyyətdə tapmağa sövq etdi. Buna görə də o, öz azadlığını, sərbəstliyini cəmiyyətə tabe et­di. İnsan bu tabeçiliyi […]

Göynur Atalı. ASİF ATAnın İNSAN MAHİYYƏTİ düşüncəsinə qovuşma:

Aprel 29th, 2025 admin

 ÜRƏYİNİZDƏ GÜNƏŞ OLSUN!

İNSAN göründüyündən çox, görünməyəndir, zahirdəkindən çox, batindəkidir. Zahirdəki, biçimdəki sonlu, ölümlü – insanın mahiyyətindən aşağı gerçək mövcudluqdur.
Batindəki, mənadakı, əbədilikdəki, kamillikdəki – insanın mahiyyətidir.
İNSANIN mövcudluğu həmişə ruhani olmasa da, mahiyyəti həmişə ruhanidir.
İnsanın mövcudluğu, gerçəkliyi onun mahiyyətinə bərabər deyil. Bu səbəbdən də insan ziddiyyətli yaşayır. Ancaq MAHİYYƏTİ ruhanidir, buna görə də insan ölməzdir. İnsanın ruhani mənası əbədidir. Çünki həmin mənada Mütləq yaşayır. Ardını oxu »

Soylu Atalı. “Türk-İslam” söz birləşməsi yanlışdır

Aprel 29th, 2025 admin

 Ürəyinizdə Günəş olsun, sayğılı yurddaşlarımız!

Bu gün biz, bir xalq olaraq, mənəvi geriləmə dönəmini yaşayırıq. Bunun ayrı-ayrı nədənləri var. Bu nədənləri aydınlaşdırmaqdan öncə xalqın tarixən formalaşması şərtlərinə qısaca baxış sərgiləməyimiz gərəkir. Söz yox, baxışlarınızı sivilizasiyaların başlanğıcına çəkib qonunu uzatmaq düşüncəsində deyilik. Bu bir ilkin (ibtidai) sərgiləmədir. Sonrakı aşamalarda deyəcəyimizi anlamağımız üçün epizodik bir başlanğıc kimi qəbul edək.

Hər bir toplumun formalaşması, başlıca olaraq, iki aşamada özünü göstərir. Birinci, mövcudluğu sürdürmək üçün oturaq duruma keçmək – birgə əmək,  birgə məskunlaşma  (kənd, şəhər salmaq),  birgə qorunmaq. Burada hər kəsə düşən pay bölgüsünü nizamlamaq üçün hüquqi baza yaratmaq, sosiallaşmanı qanunlar biçimində yoluna qoymaq i.a. Bu işlər ortaq dil araçılığı ilə gerçəkləşir. Sonucda ortaq mədəniyyət faktoru ortaya çıxır. Ardını oxu »

Babək Məmmədli. Bir qrup şair var ki… – Şair xanımları bacı kimi sevənlər

Aprel 29th, 2025 admin

Bir şair qrupu var, xeyli vaxtdır onları izləyirəm.
Allahsaxlamışlar o qədər müsbət emosiya bəxş edirlər adama, özüm də bilmədən onların fanatına çevrilmişəm.
Bizim gözümüzdə böyüdüb əzaba çevirdiyimiz həyatı onlar elə asan, elə rahat, elə şirin yaşayırlar ki, adamın xainliyi tutur.
Hamının dörd gözlə gəzdiyi, adına xoşbəxtlik dediyimiz faili-məchulun düsturunu, formulunu mən deyərdim, xüsusi bir səy göstərmədən, inersiyayla tapıblar bu qaz tükü kimi yüngül, könlü zərif varlıqlar. Özlərinə balaca bir dünya qurublar. Mən “dünya” deyim, siz “alınmaz qala”: “hermetik, harmonik, poetik qala”. Ardını oxu »

İnamlı Atalı. Özümləşmə yönündə axtarışlar

Aprel 29th, 2025 admin

Ürəyinizdə Günəş olsun, sevimli yurddaşlarım!

İnsanın Məna yönündə artıb, böyüyüb, yüksəlməsində özünüdərkin böyük rolu vardır. Özünüdərk İnamdan başlanır. İnsana inanasan gərək. Başqa sözlə, İnsanın İnsanlıq Qüdrətinə inanasan gərək. İnsanın görünəndən, bilinəndən artıq, böyük, yüksək olan daxili imkanlarına inanasan gərək.
İnsan – işıqdır – qaranlıqları yaran!
Bəşər tarixində bu günə kimi insanın tapındığı inamlar nisbi inamlar olub. Bu inamlarda insanın təbiəti, kimliyi bitkin, tam şəkildə açılmamış, ruhani İmkanları düşüncədən uzaq tutulmuş, başlanğıcdan məhdudlandırılmışdır. Bütün hallarda insan ya fövqəltəbii qüvvələrdən, ya da ictimai münasibətlərdən asılı duruma salınmışdır. Bununla da İnsan öz Mənasından ayrılmış, özünü itirmiş, Mənanı təsdiq etməli olan fitri imkanlarını Mənanın təkzibinə yönəltmişdir. Bu Qüdrətli Varlıq zəlil ğünə salınmışdır. İnsanın duyğuları, düşüncələri, əməlləri yanlış istiqamətlərə yönləndirilmişdir. İnsan özünüdərkin başlanğıcından yalanlar burulğanında yaşamağa alışmışdır. Özü öz yaratdıqlarının qurbanı olmuş, quluna çevrilmişdir. Ardını oxu »

Asif Ata. Cəmiyyət

Aprel 27th, 2025 admin

Cəmiyyətin məqsədi ruhanidir: insanın ləyaqətini, böyüklü­yünü, qüdrətini təsdiq etmək, sonsuz, əbədi, kamil mahiyyətini aşkara çıxarmaq.
İnsan təklikdə özünə çata bilmirdi.
O, cəmdə özünə çatmaq istədi.
İnsanın daxilindəki ruhanilik – sonsuzluğa, əbədiliyə, kamil­liyə meyil onu özündən kənara çıxmağa, özünü cəmiyyətdə tapmağa sövq etdi.
Buna görə də o, öz azadlığını, sərbəstliyini cəmiyyətə tabe et­di. İnsan bu tabeçiliyi təbii saydı, onunla barışdı, ona əməl etdi.
Ancaq cəmiyyət insanın özünütəsdiqinə zidd oldu. İnsan cəmiyyətdə özünün ruhani təbiətinin əleyhinə yaşamağa məcbur oldu.
Cəmiyyətdə insan öz bütövlüyünü, zənginliyini, fərdi müs­tə­qil­liyini itirdi. Ardını oxu »

Xaliq Bahadır. Türk dövlətlərinin antiTürk- antiTürkiyə paradı

Aprel 26th, 2025 admin

“Avropaya İnteqrasiya” Projesi

Olacaq oldu. Türk Dövlətləri Təşkilatını oluşduran dörd dövlət BMT TŞ-nin 541, 550 saylı qərarına uyğun olaraq Türkiyəni Kiprdə “işğalçı güc” olaraq tanıdı. Hansılar? Qazaxıstan, Özbəkistan, Türkmənistan, Qırğızıstan. Beləliklə, 35 illik bir dönəmdə Quzey Kıbrıs Türk Respublikasını tanımayan Türk dövlətləri bir neçə günün içində ard-arda Yunan Kıbrısını tanıdılar, orada elçiliklər açdılar. Bu fakt Türk Birliyini dağıtmaq baxımından Avropa Birliyinin çox uğurlu addımı olaraq dəyərləndirilməlidir.
Türk Birliyinin yaranmasına yol verməmək Atilladan sonra Batının başlıca strateji amacı olub, olmaqdadır. Bu tarix gerçəyini, eləcə də çağımızın uğun gerçəklərini anlamayanların, anlasalar belə, özgüdükçü çıxarları üçün özlərini o yerə qoymayanların “Avrointeqrasiya” yapay coşquları xalqı aldatma görsənişidir. Ardını oxu »

Soylu Atalı. “Turan qurulur”, yoxsa yanlışları anlamaq istəmirlər

Aprel 23rd, 2025 admin

Bu gün ən çox dartışılan qonu “Türk Dövlətləri Təşkilatı”nın 4 üzvünün Yunanıstanın qurduğu “Kıprıs Respublikası”nı tanımalarıdır. Ortada ilginc fakt var, bu fakt bəlkə də son dönəmin ən böyük xəyanətlərindən biridir. Eldə məsəl var,  –  “bəy dediyin harda, bəyənmədiyin harda”.  Əgər Türkiyəni işğalçı olaraq tanıyacaqdınızsa, nədən “TDT” (Türk Dövlətləri Təşkilatı) yaradırdınız?! Kim(lər)i aldadırdınız, niyə aldadırdınız?! – İlginc olan odur ki, heç kim (daha doğrusu, Türklüyün fəlakətini gözardına atanlar) olayların gəlişmə ardıcıllığına diqqət yetirmir.
Sovetlər dağılandan sonra Azərbaycanda hakimiyyətə gəlmiş H.Əliyev dövlətin anayasasında türk kimliyinin yazılmasını yasaq elədi. Adını qoydular ki, Azərbaycandakı etnik toplumları hürkütmək, küsdürmək olmaz. Həmin illərdə (1994-cü ildə) Türkiyə siyasətində Ərdoğan aktiv rol aldı. 2001-ci ildə “Ədalət və İnkişaf Partiyası” (AKP)-nı qurdu. 2002-ci ildə Böyük Millət Məclisində bu partiya uduş əldə elədi. Ardını oxu »

Xaliq Bahadır. Ərdoğan Türkiyəni fəlakətə aparır

Aprel 17th, 2025 admin

ABD prezidenti D.Trampla, Türkiyə prezidenti T.Ərdoğan arasına Türkiyənin yararına olmayan çox ilginc gəlişmələr yaşanmaqdadır. ABD ilə Türkiyə arasında deyil, ABD prezidenti Trampla Türkiyədə özünün Tək Adam rejimini qurmuş Ərdoğan arasında- Türkiyə üçün qorxulu olan da burasıdır.

Ərdoğanın aylarla sürən çalışmalarından sonra, Tramp  Ağ evdə onunla görüşməyi aprelin sonlarına saxlayıb. İsrail prezidenti  B.Natanyahu  üçünsə Ağ evin qapıları taybatay açıqdır. Bugünlərdə Ağ evdə Natanyahu ilə yeni görüşməsindən sonra Tramp Ərdoğanla bağlı, gerçəyi anlayanlar üçün sevindirici olmayan bir çıxışda bulundu: “Ərdoğanı sevirəm, o da məni sevir, bu durum medianı qızdırır. İsrailin Türkiyə ilə bir sorunu varsa, bunu çözə bilərəm. Türkiyəlideriylə çoxyaxşı ilişkim var. Türkiyəni qutlayıram. Ərdoğana: “ 2000 ildə kimsənin etmədiyini etdiniz, Suriyanı ələkeçirdiniz”, dedim. Gerçəkdən çətin biri, eləcə də çox ağıllı adamdır. Kimsənin etmədiyini etdi”. Ardını oxu »

Asif Ata. Tarix

Aprel 17th, 2025 admin

Tarix həmişə əbədiliyə, kamilliyə, sonsuzluğa can atıb.
Bu baxımdan o, ruhanidir.
Tarix həmişə nisbini, qeyri-kamili, sonlunu təsdiq edib.
Bu baxımdan o, qeyri-ruhanidir.
Tarixdə nisbilik – Mütləqilik, sonlu – sonsuz, maddi – mənəvi biçimdə təzahür edib, qeyri-ruhanilik ruhanilik şəklində təqdim olunub.
Tarixdə ruhani niyyətlə qeyri-ruhani gerçəklik, ruhani məqsədlə qeyri-ruhani nəticə arasında daim uçurum olmuşdur.
Tarixdə möhtəşəmlik, qüdrət və tərəqqi adıyla qəddarlıq, amansızlıq, yırtıcılıq təsdiq olunub.
Tarixin vəsf etdiyi böyüklüyün, əzəmətin çoxu qeyri-ruhani­liyin, qeyri-insaniliyin, ədalətsizliyin, həqiqətsizliyin təzahürü olub. Tarixdə ruhani görünən məqsədlər çox hallarda qeyri-ruhani vasitələrlə həyata keçirilib və bu səbəbdən ruhaniliyi tərk edib, özünün əksinə çevrilib. Ardını oxu »

Turan necə qurulur, necə qurulmalıdır?

Aprel 13th, 2025 admin

Deyir: “Mənim prioritetim Turan qurmaqdır”. Bunu istəsə, Amerikanın prezidenti deyə bilər, bugünkü Azərbaycanın, bugünkü Türkiyənin prezidenti deyə bilməz. Nə üçün? Azərbaycanın, Türkiyənin bugünkü politik, ekonomik, sosial gerçəkliyi ilə uzlaşmadığı üçün! Turan qurmaq ideyası ilə sözügedən gerçəklik arasında, dərin, çox dərin uçurum var. O uçurumu isə başqaları deyil, Azərbaycanda da, Türkiyədə də Turan qurmaq ideyası ilə çıxış edən prezidentlər yaradıb. Uçurumun aradan qaldırılması üçün öncə bütünlüklə başqa ideyalara yüklənmiş kimsələr, başqa sözlə, ölkəni Turan quruculuğu yoluna çıxaracaq strateji düşüncə yiyələri gərəkir.
Prezidentliyə yiyələndikdən az sonar, 2004-cü ilin yanvarında demişdi: “Ölkədə monopoliyalar var, mən o monopoliyaları aradan qaldıracam, bitirəcəm”. Sonucda nə oldu?Dövlətin özü monopoliyalaşdırıldı.Başqa sözlə, dövlət özü monmopoliya obyektinə dönüşdürüldü. Ardını oxu »

« Older Entries
Açıklama
Powered by WordPress | Designed by: best suv | Thanks to trucks, infiniti suv and toyota suv