Güclü siyasət, zəif siyasət deyilişini qəbul etmirik. Güclü dövlət, zəif dövlət məntiqini doğru sayırıq. Güclü siyasət olmur, gücə dayanan siyasət olur. Bəs dövlətin gücü nəyə bağlıdır?! Hesab edirik, sağlam prinsiplər üzərində milli ideologiyanın işlənib hazırlanması, dövlət yönətimində hakim etkiyə çevrilməsi gərəkdir. Bunu isə ədalətli şəxsiyyət, milli ruha bağlı olan siyasi xadim gerçəkləşdirə bilər. Dövlət güclü olanda əməli addımlar atır, zəif olanda isə baş qatır. Dövlətin zəif, ya güclü olmasını ilk növbədə onun öz içində yaratdığı nizamda görmək olar. Bu nizamın adına “daxili siyasət” deyirlər. Dövlət içrə yaranan nizam ədalətli qanunlarla həyata keçiriləndə dövlətin dünyada yeri, etkisi də bəlli olur, yəni dövlətin yürütdüyü dış siyasət öz xalqının müstəqil mədəni, mənəvi varlığını təmsil edir. Ardını oxu »
Xaliq Bahadır. Amerika gələcək…
Gerçək bir müxalifətçi dostumuz Rusiya-Ukrayna savaşı başlayandan tez-tez yazırdı: “Ukraynada savaşı bitirəndən sonra Amerika Güney Qafqaza, o sıradan Azərbaycana demokratiya gətirəcək”. Bir gün dözməyib ona kiçicik bir yanıt yazısı yazdım: “Amerika 1990-ların o başından Azərbaycandadır. Amerikaya Azərbaycanda demokratiya gərəksəydi, Amerika Azərbaycanda demokratiya olmasını istəsəydi, Azərbaycanda çoxdan demokratiya olardı. İstəmədi, olmadı”. O dostumuz yapay suçlama ilə […]
Göynur Atalı. ASİF ATAnın İNSAN MAHİYYƏTİ düşüncəsinə qovuşma:
ÜRƏYİNİZDƏ GÜNƏŞ OLSUN! İNSAN göründüyündən çox, görünməyəndir, zahirdəkindən çox, batindəkidir. Zahirdəki, biçimdəki sonlu, ölümlü – insanın mahiyyətindən aşağı gerçək mövcudluqdur. Batindəki, mənadakı, əbədilikdəki, kamillikdəki – insanın mahiyyətidir. İNSANIN mövcudluğu həmişə ruhani olmasa da, mahiyyəti həmişə ruhanidir. İnsanın mövcudluğu, gerçəkliyi onun mahiyyətinə bərabər deyil. Bu səbəbdən də insan ziddiyyətli yaşayır. Ancaq MAHİYYƏTİ ruhanidir, buna görə də […]
Soylu Atalı. “Türk-İslam” söz birləşməsi yanlışdır
Ürəyinizdə Günəş olsun, sayğılı yurddaşlarımız! Bu gün biz, bir xalq olaraq, mənəvi geriləmə dönəmini yaşayırıq. Bunun ayrı-ayrı nədənləri var. Bu nədənləri aydınlaşdırmaqdan öncə xalqın tarixən formalaşması şərtlərinə qısaca baxış sərgiləməyimiz gərəkir. Söz yox, baxışlarınızı sivilizasiyaların başlanğıcına çəkib qonunu uzatmaq düşüncəsində deyilik. Bu bir ilkin (ibtidai) sərgiləmədir. Sonrakı aşamalarda deyəcəyimizi anlamağımız üçün epizodik bir başlanğıc kimi […]
Babək Məmmədli. Bir qrup şair var ki… – Şair xanımları bacı kimi sevənlər
Bir şair qrupu var, xeyli vaxtdır onları izləyirəm. Allahsaxlamışlar o qədər müsbət emosiya bəxş edirlər adama, özüm də bilmədən onların fanatına çevrilmişəm. Bizim gözümüzdə böyüdüb əzaba çevirdiyimiz həyatı onlar elə asan, elə rahat, elə şirin yaşayırlar ki, adamın xainliyi tutur. Hamının dörd gözlə gəzdiyi, adına xoşbəxtlik dediyimiz faili-məchulun düsturunu, formulunu mən deyərdim, xüsusi bir səy […]
İnamlı Atalı. Özümləşmə yönündə axtarışlar
Ürəyinizdə Günəş olsun, sevimli yurddaşlarım! İnsanın Məna yönündə artıb, böyüyüb, yüksəlməsində özünüdərkin böyük rolu vardır. Özünüdərk İnamdan başlanır. İnsana inanasan gərək. Başqa sözlə, İnsanın İnsanlıq Qüdrətinə inanasan gərək. İnsanın görünəndən, bilinəndən artıq, böyük, yüksək olan daxili imkanlarına inanasan gərək. İnsan – işıqdır – qaranlıqları yaran! Bəşər tarixində bu günə kimi insanın tapındığı inamlar nisbi inamlar […]
Asif Ata. Hürufiliyimiz – Ənəlhəqliyimiz
Fevral 26th, 2025 
admin I. İnsan – Allah
Hürufilər İnsanı Allah sayırdılar, Ocaq diliylə desək – Əzəli, Əbədi, Sonsuz, Kamil Mütləq sayırdılar.
Hər bir İnsanı Allah oğlu sayırdılar – təkcə Peyğəmbərləri, hökmdarları yox.
İsaçılar İsanı Allah oğlu sayırdılar, Makedoniyalı İsgəndər Allah sayılırdı, Roma İmperatoru Kaliqula özünü Allah elan etmişdi. İslamda İnsan Allahın Bəndəsiydi, quluydu, Peyğəmbər özü Allahın quluydu, Allah İnsanı yaratmışdı Aqibətiylə, Qismətiylə birgə. İnsan Allah İdrakının, İradəsinin alətiydi, İtaətçiydi. Hürufilikdə İnsan Dünyanın canıydı.
Çün on səkkiz min aləmin cüdu-vücudi xud mənəm,
Cümlə-cahan təndir mana, mən bu cahanın canıyam. Ardını oxu »
Soylu Atalı. Xocalının Pərdələnən İlləri
Fevral 26th, 2025 admin Bu gün biz, Xocalı soyqırımının sonrakı ildönümü qarşısındayıq. Gələnəksəl olaraq, yeni seminarlar keçirməyi, köhnə şəkilləri yenidən nümayiş etdirməyi, Xocalı abidəsinin böyür-başını gül-çiçəklə bəzəməyi planlaşdırırıq. Ancaq gələcək soylara deməyə, ümid verəcək, sözümüz yoxdur. Qarabağ uğrunda savaşdıq, minlərlə şəhid verdik. Bununla belə, Xocalı yenə erməninin əlindədir, erməniliyi qoruyan Rusiya yenə Xocalıdadır. Oradan bizi yeni “Xocalı” olaylarının olacağı ilə hədələməkdədir.
Tarixdən bəllidir, Rusiya imperiya kimi qurulub. Çünkü öz varlığı, torpağı dövləti olmayıb. Türkləri assimilyasiya yolu ilə onların torpaqlarında varlığını oluşdurubdur. Ruslar, bildiyim qədər, Skandinaviyadan gəlmiş ros tayfalarıdır. Böyük qırğınlar bahasına Türk yurdlarında özlərinə dövlət qura bildilər. Bir var, kiminsə dövləti ola, onu qorumaq, genişləndirmək üçün imperiya yarada. Bir də var, başqalarının dövlətini yıxıb yerində öz dövlətini qura. Rusiya belə yaranıb. Ardını oxu »
Günev Atalı. Ümidləşən İnamım
Fevral 26th, 2025 admin Mütləqim, Müqəddəsim, Ulu Peyğəmbərim Asif Ataya – İnam Ataya Ali Səcdə ilə!
İnamla yaşamaq – hüdudsuz fərəhimdir!
Yaşamın dəyişə biləcək imkanına ümidimdir.
Asif Atanın, Mütləqə İnam Ocağının, Ocaq Evladlarının bir ömür zəhmətlərinin boşuna getməyəcəyini görümümdür.
Atdığım hər addımın bəhrə verəcəyi mənə bəri başdan gün kimi aydındır. Dünyadakı Mütləqi görürəm, Mütləq öz əlamətləriylə üzümə gülür, balam kimi babam kimi. İnsanınhüdudsuz imkanlarını görürəm: – Qorqudların, Babəklərin, Zərdüştlərin, Nəsimilərin, Asif Atanın, Soylunun gerçəkləşən yaşamlarında.
Ocaq mühitini düşünəndə içim gülür, səcdəli münasibət, heyranlıq, səmimiyyət görürəm. Görənin buna həsrətini gördükcə düşüncə selinə qərq oluram. Ehtizaz, vəcd gəlir ömrümə, haray çəkmək eşqilə doluram. Böyük ümidlərlə evdən çıxıram. Uca söz deyirəm, göstərirəm İnamlı yaşamağın yönünü, özünə yetməyin gözəlliyini, böyüklüyü görməyin gərəkliyini, vurğunluğun ifadəsini, özüylədöyüşün dağlar qədər, göylər qədər ucalığını, dərələr qədər dərinliyini, ruhun təlatümünü, narahat ömrün, gərgin yaşamağın sevincli anlamını.Yaşamın sevincini, yenidən doğulmağın məsuliyyətini, insani sorunlara qarşı sorumluluğun ömrə gəlməsini…
Ağsaqqallığa yetməyin hünər səviyyəsini anladıqca ruhani döyüşümün yarağının Asif Ata İnamı olduğunu bəyan edirəm. Bu İnamla dolan bir ömür yaşamaqdayam.
Dünyanın mənəvi ehtiyacından yaranan Ata İnamı bu ehtiyacı ödəmək üçün Evlad İnamçılığını yaratdı.
Amalım ömrümə hakim oldu. Ona yetməyin yolunda göstərdiyim çabalar ömrümün Ali qisməti oldu.
Viranəyə çevrilmiş Yurdumda özünə yadlaşmış yurddaşlarımın mənəvi yaralarına məlhəm olmağımın gərəkliyini dərk edirəm.
Ruhumu özgürlüyə qovuşduran üsulum – özümüdərk etməyim, “Ricalar”la, “Təmaslarla” gündəlik bağlılığım, özüylədöyüşüm, özünütəsdiq etməyimdir…
Atamız Var olsun!
Ata Ayı, 45-ci il. Atakənd.
(sentyabr, 2023. Bakı.)
Soylu Atalı. “Od İşığı” ideyası
Fevral 25th, 2025 admin Xızır Günü (Su Çərşənbəsi) Qutlu olsun!
Bəşər xalqlarının ən qədim inancları sırasında, bəlkə də, Tanrıçılıq dünyabaxışı birinci yerdə gəlir. Bu dünyabaxışa görə hər şey Doğada baş verir, hər şeyi Doğanın özü yaradır. Onu da deyək, bu baxış bilimdə ilk türk panteizmi olmuşdur. Anlamına görə Materializmlə heç də eynilik yaratmır. Tanrıçılıqda, Doğada ilahi uyum olduğu vurğulanır, başqa cür desək, Doğa özü ilahi sayılır. Materializmdə isə hər şeyin əsasında Materiya durur, ancaq burada heç bir ilahi uyum, qüdrət qəbul olunmur.
Dedik, Tanrıçılıqda Doğanın özünün ilahi uyum olduğu qəbul olunur. Burada Doğanın 4 ünsürü – torpaq, hava, su, od yaranışın qaynağı sayılır. Bu gün də xalqımız bu 4 ünsürü, dörd çərşənbə adı ilə bayram edir. Günün farsca adlanması yanlışdır, ancaq anlam dəyişmir. Bununla bağlı sonrakı bölümdə aydınlaşdırıcı söz deyiləcək. Ancaq burada başlıca məsələ ünsürlərin anlamı ilə bağlıdır. Ardını oxu »
Soylu Atalı. Oyunların əlində də olsaq, içində də…
Fevral 18th, 2025 admin Həqiqətin bir açımı, yönü, izahı olur, siyasətin yüz. Bir siyasi olaya bir neçə baxış sərgiləmək olar. Əgər baxışlar siyasətin oyunlarına oyun qatmaq açısından sərgilənmirsə doğru sayıla bilərlər. Yəni sərgilənən baxışların hərəsi bir oyunun doğru qiymətləndirilməsi ola bilər. İstənilən siyasi olay özünə qarşı bir sıra doğru cavablar, izahlar doğurur. Kimsə siyasi olaylara strateji açıdan yanaşıb qiymətləndirər, kimsə taktiki açıdan; kimsə milli çıxarlardan baxıb qiymətləndirər, kimsə regional; kimsə olaylara işin bir cəhətindən baxar, kimsə çox yöndən. Bütün bunların hamısı ayrı-ayrılıqda doğru qiymətlər sayıla bilər. İstənilən doğru rahatsızlıq alqışadəyərdir (təqdirə layiqdir). Olaylara bəzək vuranlar, qərəzli yanaşanlar, haqlını qoyub haqsızı savunanlar bu deyilənlərin dışında qalır…. Ardını oxu »
Yılmaz Dikbaş. TROL YOK, İĞFAL VAR!
Fevral 16th, 2025 admin İnternetdə, sosial mediada tez-tez istifadə olunan bir söz var: Trol.
Bu söz türk dilində deyil. Bu söz ingilis dilindədir: Troll.
Troll-un iki müxtəlif mənası var. Birincisi, bir növ balıq tutma üsuludur. İkincisi isə mənfi və dağıdıcı bir münasibət bəsləyən, təhqir, böhtan və ya hücum xarakterli təxribat törədərək alqı yaratmağa çalışan şəxsə yapışdırılan addır.
Əsasən, mediada və internetdə Sarayın, iqtidarın və AKP-nin tərəfdarlığını edən şəxslərdir Troller.
Bəzi müxaliflər troll sözcüyünü kifayət qədər təsirli hesab etməyib, bu sifətləri də istifadə edirlər: Zibidi, xiyar, əmbəsil, yavşaq, çirkəf, ucube, uyuz… Əslində trol sözcüyü də, digər yapışdırılan sifətlər də; Sarayın, iqtidarın və AKP-nin tetikçilərini tam olaraq təsvir etmir! Bu şəxsləri təyin edəcək ən doğru ifadə, “İğfal Edilənlər”dir.
Bəs, iğfal edilmək nə deməkdir?
Bu sualın cavabını, Böyük İnqilabçı Mustafa Kamal Atatürkdən dinləyək. Ardını oxu »
Xaliq Bahadır. Tarixə tarix olaraq baxmaq gərəyi
Fevral 15th, 2025 admin Tarixə necə baxılmalıdır? Necə var, eləcə. Tarix kimsənin istədiyi kimi şumlayıb, istədiyi toxumu əkəcəyi bir yer deyil. Tarix kimsənin istəyinə bağlı bir alan da deyil, necəliyindən asılı olmayaraq, olmuş, bitmiş olaydır.
Bizdə tarixlə bağlı öz yanından, öz baxışlarına, özünün politik, ideoloji, dinsəl istəklərinə uyğunbuyruqlar verildiyini görürük. Bir partiya sədri din adı altında siyirmə qılınc üstümüzə gələn, bizi qırıb-çatan ərəbliklə 22 il vuruşmuş Babəkin adını tarixdən çıxdaş etməyə çağırır. Tutalqası nədir: ”Mənim dinimə qarşı vuruşan mənim qəhrəmanım ola bilməz”. Bunun qəhrəmanı kim imiş? Ölkəni qoruyan deyil, ölkəyə saldıran!
Bir başqası Şah İsmayılı “düşmən” çıxarır, onu ideallaşdırdığı Nadir Şahın diliylə aşağılayır.
Nadir şah, bəlli olduğu kimi, çevriliş yoluyla Şah İsmayılın qurduğu imperiyaya yiyələnmiş,yiyələndiyi imperiyanın sınırlarını, öncə Əfqanıstana, sonra da Hindistanadək genişləndirmişdi. Burasını kimsə dana bilməz: Nadirin Hindistanadək uzanan uğurlarının özülündə Şah İsmayılın qurduğu dövlət dayanırdı. Ardını oxu »
Soylu Atalı. Dəyişiklik istəyi sorumluluq deməkdir
Fevral 15th, 2025 admin İnsanda daim dəyişmək, dəyişiklik etmək meyli yaşayır. Hesab eləmək olar ki, bu, olanaqda olan gəlişmə tələbindən irəli gəlir. Ancaq insanın bütün hallarda atdığı addım gəlişmə ilə sonuclanmır, geriləmələr də baş verir. Bu ona görə olur ki, olanaqda yaşayan gəlişmə tələbini insan tanıya, dərk edə bilmir. Bu halda insanın əməlləri Tələb yönündə yox, bilməzlik yönündə gerçəkləşə bilir. “Tələb” bəlirlənməsə (ölçü kimi) əməli gerçəkləşdirməyə gəlmir.
Ancaq bütün hallarda (həyatının bütün sahələrində) insan dəyişiklik, dəyişmək istəyir. Hətta cinsi istəklərində belə, dəyişiklik istəyir, sərbəst olmaq istəyir. Ruhaniyyat ondan ötəridir ki, bu dəyişiklik istəklərini yoluna qoysun, gəlişməyə yönəltsin. Nə qədər ki, insan ruhaniyyat tələbiylə yaşamır, bioloji sərbəstlik istəyir, onda onun ömrünə heyvani qanunlar etki göstərir. Heyvan üçün fərqi yoxdur, bala anasıyla, bacısıyla, çoxsaylı dişilərlə azad, sərbəst şəkildə cinsi təmasda ola bilir. Ardını oxu »
